BLACKPINK хамтлагийн дуучин Лизаг Францын тэргүүн баячуудын Фредерик Арно гэх залуутай холбоотой гэсэн мэдээлэл гарсаар байгаа. Солонгос од бүсгүй Арногийн гэр бүлийнхэнтэй хамт амралтад явсан гэх яриа гарсан. Харин энэ таамгийг нотлох мэт хосуудын болзож буй зургууд интернэт сүлжээнд тархаад байна.
Тэднийг харж зургийг дарсан шүтэн бишрэгч: “Би үдээс хойш Musée Rodin цэцэрлэгт хүрээлэнд салхилж байхдаа зайрмагийнхаа зургийг авч буй охиныг анзаарсан юм. Би тэрийг “Энэ хөөрхөн охин Лизатай ямар адилхан юм бэ?” гэж бодон хажууд нь байсан залууг харахад түүнийг ч бас урьд нь харж байсан мэт сэтгэгдэл төрсөн. Дараа нь би тэр эмэгтэйг хэн гэдгийг ойлгосон. Миний өмнө Лиза бодитоороо байсан” гэжээ.
Зурган дээр хосууд зайрмаг идэн, музейн эргэн тойронд алхаж буй нь харагдаж байна.
Нэг зураг дээр Лизагийн царай харагдаж байхад нөгөө зураг дээр Фредерикийнх харагдаж байна.
Фредерик Арно “Дэлхийн тэргүүн баян” Louis Vuitton Moët Hennessy (LVMH) группийн өв залгамжлагч. Тэргүүн Бернар Арно ууган охин Делфин Арног Christian Dior-ын гүйцэтгэх захирлаар томилсон. Одоогоор Арногийн таван хүүхэд бүгдээрээ группийнхээ удирдлагын багт ажилладаг байна.
Тодруулбал том хүү Антуан Арно өнгөрсөн сард LVMH холдингийн гүйцэтгэх захирлаар томилогдсон бол хоёр дахь хүү Александр Арно нь Tiffany компанийн гүйцэтгэх захирал, гурав дахь хүү Фредерик Арно TAG Heuer компанийн гүйцэтгэх захирлаар ажилладаг юм. Хамгийн отгон хүүхэд Жан Арно нь ч мөн л Louis Vuitton-д ажилладаг аж.
Bloomberg “Өдгөө 73 настай тэрбумтан өөрийн үр удмаа “тансаг зэрэглэлийн эзэнт улсынхаа” гол албан тушаалд ээлж дараалан томилж байна” гэжээ. Гэхдээ тэрбээр өөрийн суудлаа тавьж өгөх магадлал бага.
Учир өнгөрсөн жил тус групп нь гүйцэтгэх захирлын тэтгэвэрт гарах насыг 75 байсныг 80 болгон нэмэгдүүлээд байгаа билээ.
LVMH нь ойролцоогоор 380 тэрбум еврогоор үнэлэгдлэг ба Европын хамгийн үнэ цэнэтэй компанид тооцогддог. Бернар Арногийн хөрөнгийн хэмжээ өдгөө 178 тэрбум ам.доллароор хэмжигдэж буй.
Discussion about this post