Сонгууль дөхөнгүүт энд тэндхийн холбоо, нийгэмлэгийн нэрийг барьж бужигнуулдаг, улс төрийн бохир тоглоомын золиос болгодог “заншил” тариаланчдын сенсациар үргэлжлэх нь. Улс төрд санаархсан нэгэн аль нэг холбоог өмчлөн авч, худал үнэн, хурал цуглаан хийж холбооны тэргүүн, ерөнхийлөгч сэтэр зүүж, тамга тэмдэгний маргаан болон сунжирдаг түүх Монголдоо л анхны томоохон холбооны нэг Тариаланчдын үндэсний холбооныхонд бас тохиов бололтой. Учир нь чамгүй олон жилийн түүхтэй тус холбооны хурал өнгөрсөн гуравдугаар сарын 20-нд UB palace-д болж, УИХ-ын гишүүн, сайд асан, “Монгол тамхи Со” компанийн эзэн Ц.Дашдорж агсны хүү Нарантэмүүжинг шөнө дөл болтол бужигнуулсаар сонгосон юм байх. Гэтэл энэ нь албан ёсны хурал ч болж чадаагүй. Одоо албан ёсоор тамга тэмдэг, гэрчилгээг нь эзэмшигчид эсэргүүцэл тэмцэлдээ тулаад байгаа юм байна. Сураг сонсох нь ээ, ийм “тоглоом”-ын хурал зохиохоор аль өнгөрсөн арваннэгдүгээр сараас хойш хэсэг нөхөд фракцалсан. “Зохион байгуулагч” нь Төв аймагт хэсэг газар худалдаад авчихсанаас биш, юуун тариаланч, цаашилбал сонгуульд нэр дэвших санаатай байгаа, тиймээс Сэлэнгэ, Дарханы жинхэнэ акул тариаланчид тэснэ, тэснэ гэхэд яаж тэсэх вэ гэгчээр одоо албан ёсоор эсэргүүцэл илэрхийлж, жинхэнэ албан ёсны хурлаа хийх сурагтай байна. Гэтэл өөрийгөө тэргүүн хэмээгч таван үг олигтой эвлүүлж хэлэх чадваргүй тариаланч хэмээх хуурамч баг зүүж 88,6 хувьтай сонгуульд ялсан хэмээн онгирч тамга тэмдгээ авч албажаагүй байж олон нийтэд худал мэдээлэл тарааж, Төрийн ордонд тариаланчдийг төлөөлж бараалхаж явааг Д.Амарбаясгалан ах нь мэдээгүй л хүлээж авсан байхдаа! МөнөөхөнТөв аймгаа мөнгөөр далайлгасан хуурамч, тамгагүй тэргүүн төрд ойрхон ажлаа эхэлж байна хэмээн тариаланчдынхаа эсрэг яриад явж байдаг шүү Ийнхүү Сэлэнгэ, Дарханы жинхэнэ тариаланчдын хилэнг ийн төрүүлсэн болохоор нэлээд том дуулиан дэгдэх нь тодорхой. Сонгууль болохоор ямар ч хамаагүй “малгай” олж “өмсөж”, энд тэндхийн холбоод, нийгэмлэгийг самардаг түүх давтагдсаар, дахиад нэг холбооны тамга, тэмдгийн дажин дэгдэх нь дээ.
()
Discussion about this post