Гадаадын хөрөнгө оруулагчдийг зөвхөн манай төр засаг ч биш иргэд итгэлийг нь эвдэн залилсаар байна. “Ханбогд Оюу” компанийн ерөнхий захирал нь Хятадын иргэн Ву Вэнжиан гэнэ. Монгол эмэгтэй Ц.Сувд-Эрдэнэ нь компанийн хувьцааны таван хувийг эзэмшдэг бол нөхөр нь болох Хятадын иргэн Г.Ганбаяр нь орчуулагчаар ажиллаж иржээ. Тэр бас таван хувийн хувьцаа эзэмшигч аж. Дүрэм ёсоор санхүүгийн баримтад хятад талаас нэгдүгээр, Mонгол талаас хоёрдугаар гарын үсэг зурах ёстой байжээ. Гэтэл эхнэр нөхөр хоёр бүлэглэн компанийн данснуудаас гүйлгээ хийх баталгаат гарын үсэг зурах эрх, тамганы загварыг компанийн ерөнхий захирал БНХАУ-ын иргэн By Вэнжиан /Wu Wenjian/-aac шилжүүлэн авахдаа нэгдүгээр гарын үсгийг гэрээний A тал буюу компанийн гүйцэтгэх захирал Чин Тао /Chen Тао/, хоёрдугаар гарын үсгийг гэрээний Б тал буюу хувьцаа эзэмшигч Ц.Сувд-Эрдэнэ зурж зарлагын гүйлгээ хийж байх мэдүүлгийг гаргахдаа орчуулагч Г.Ганбаяр нь худал орчуулга хийн нэг гарын үзэг зурж гаргахаар мэдүүлж, улмаар данснуудаас 296,3 сая төгрөгийн, 116 мянган доллар буюу нийт 576,3 сая төгрөгийг өөрийн хувийн дансаар шилжүүлэн авч албан тушаалын байдлаа ашиглаж, бусдын итгэмжлэн хариуцуулсан эд хөрөнгийг завшиж их хэмжээний хохирол учруулсан гэх хэрэгт холбогджээ. Дээрхи мөнгөнөөс 2,3 сая юанийг гадаад шилжүүлгээр шилжүүлж дөрвөн сарын хугацаагаар өөр компанийн эргэлтэнт оруулсан баримт авагджээ. Гадаад эргэлтээс гадна дотоодод ч нэлээд бужигнуулжээ. Үүнээс нэлээд ноцтой нь эхнэр нь гүйцэтгэх захирлаар ажилладаг “Алтан гэрэгэ” ББСБ-ын дүрмийн санг нэмэгдүүлэхээр 325 мянган долларыг “Ханбогд Оюу” компаниас шилжүүлсэн гэсэн ноогдол ашиг хуваарилах тогтоол, протокол зэргийг хуурамчаар үйлдэж улмаар Санхүүгийн зохицуулах хороонд өгсөн гэх асуудал юм. Шүүхийн шатанд эхнэр нөхөр хоёрын завших болох мөнгө угаах гэсэн хэрэг нь хэрэгсэхгүй болсон гэнэ. Давж заалдах шатны шүүхээс тэднийг 30 сая төгрөгөөр торгоод байна. Энэ хэрэг нь манай иргэд маш олон тохиолдолд бизнесийн найдваргүй хамтрагч болдогийн нэг жишээ юм.
()
Discussion about this post