Их Британийн Виндзорын шилтгээн дэх Гэгээн Жоржийн сүмийн нутаг дэвсгэрт оршуулсан ханхүү Алемайехугийн шарилыг эргүүлэн авах Этиопын эрх баригчдын хүсэлтэд Их Британи татгалзсан хариу өгчээ.
Ханхүү Алемайеху 1861 онд төрж, 18-хан наслаад 1879 нас барсан. Давид хааны дараах Израилын хаан ширээг залгамжлагч Соломон хаан, хатан хаан Шеба нарын үр удам болох Этиопын эзэн хаан II Теводрос, хатан хаан Тируворк нарын хүү байсан юм. 1868 онд Британи-Энэтхэгийн цэргийн нэгдсэн хүч II Теводросын өргөө Магдала цайзыг эзлэн авахад тэрбээр түрэмгийлэгчдэд бууж өгөхийн оронд амиа хорлохыг сонгожээ. Тухайн үед долоон настай байсан ханхүүг Тристрам Спиди гэдэг англи офицер, судлаач Англи руу авч явсан байна. Ханхүүгийн амьдралыг хатан хаан Виктория (1819-1901) мэдэж, зааж байв. Түүнийг ихээхэн сонирхож байсан гэдэг. Залуу ханхүү 18 настайдаа цээжний гялтангийн эмгэгээр нас барахад хатан хаан түүнийг Гэгээн Жоржийн сүмд оршуулахыг тушаасан байна.
Этиоп улс хунтайжийнхаа шарилыг эргүүлэн авах хүсэлтэй байгаагаа 2007 онд мэдэгдсэн ч өнөөг хүртэл нааштай хариу авсангүй.
Английн хааны ордны “Ойролцоо нь оршуулсан бусад талийгаачдын газрыг хөндөхгүйгээр шарилыг гаргах боломжгүй” гэж хааны ордны хэрэг эрхлэх газрын хэвлэлийн төлөөлөгч мэдэгджээ. Виндзорын лам нар, канонууд хунтайжийн дурсамжийг хадгалах шаардлагатай байгаа тал дээр “нарийн мэдрэмжтэй” хандаж байгаа боловч “нас барсан хүмүүсийн нэр хүндийг хамгаалах үүрэгтэй. Энэ шалтгааны улмаас энэ хүсэлтийг зөвшөөрөх боломжгүй” гэж тайлбарласан байна.
()
Discussion about this post