UBS телевизийн нэвтрүүлэгч, нүүр царай болсон сайхан бүсгүй Н.Амаржаргал Universe best songs-2012 наадмын шилдэг оролцогч. Тэрбээр шоунд оролцсон телевиздээ 2014 оноос хөтлөгчөөр ажилласан. Олонд танигдсан нийгэмд идэвхтэй бүсгүй Н.Амаржаргал хувийн амьдралаа ч орхигдуулаагүй. 2015 онд хуримаа хийж, гурван хүүхдийн ээж болоод буй. Н.Амаржаргалын гэр бүл ч олны хайр хүндэтгэлийг хүлээсэн сайхан гэр бүл. Харамсалтай нь энэ зун нэвтрүүлэгч Н.Амаржаргал нөхөр таалал боллоо гэсэн харамсалтай мэдээ гарсан. Бага хүү нь ой ч хүрээгүй байхад эр нөхөр нь бурхны орныг зорьж Н.Амараа 30 гаруйхан насандаа гурван хүүхэдтэйгээ үлдсэн. Хэдхэн хоногийн өмнө бага хүү нь нэг насны ойгоо хүрч, сайхан тэмдэглэжээ. Залуухан хос нийгэмд зөв үлгэр дууриал үзүүлж, гэр бүлийн халуун дулаан орчин, хайр халамжийг хэн хэндээ байтугай нийгэмд үзүүлж чаддаг байсан болохоор одоо ч дагагчид нь харууслаа илэрхийлсээр байдаг.
Саяхан хөтлөгч Амараа “Бид хоёр 3 хүүхэдтэй болохдоо хэзээ ч хүүхдүүдээ голдоо унтуулж байгаагүй тийм л нялуун хос байлаа 
” гэж ханиа дурсаж, “Дэндүү төгс чи минь байхгүй Би эвлэрч чадахгүй нь ээ уучлаарай. Би хүчтэй хатуу баймааргүй л байна. Бүгд л тийм байлгахыг хүсч байна. Би зүгээр асар эрхийн тэнэг баймаар байна уул нь” гэж бүсгүйн сэтгэлийн зурвасаа цахим хуудастаа үлдээв. Харахад,уншихад ч халгамаар…
Харин угийн үзэсгэлэнт турьхан бүсгүй өөрөө л сэтгэлээ уудлахгүй бол хэн ч хатуу хал зовлонг үзсэн гэж мэдэгдэхээргүй гялалзаж, ажлаа ч хийсээр яваа билээ. Саяхан болж өнгөрсөн UBS телевизийн 30 жилийн ойн баярын хүндэтгэлийн тоглолтыг Н.Амаржаргал хөтөлсөн билээ.
Discussion about this post