Ромын католик шашинтнуудын тэргүүн пап лам Франциск Монгол Улсын гурав дахь ерөнхийлөгч Н.Энхбаярыг энэ сарын 24-ний лхагва гарагт хүлээн авч уулзсан талаар “Vatican news” сайт мэдээлжээ.
Пап лам Франциск 2009 онд Монголын Элчин рүү захидал илгээхдээ тухайн үеийн ерөнхийлөгч Н.Энхбаярын шашин шүтэх эрх чөлөөнд хэрхэн хүндэтгэлтэй хандаж байгааг магтан сайшааж байсан билээ.
Тодруулбал, тэрээр 2009 оны тавдугаар сарын 29-ний өдөр илгээсэн захидалдаа “Надад халуун дотно мэндчилгээ дамжуулсан эрхэм ерөнхийлөгч Н.Энхбаярт үнэхээр их талархаж байна. Эрүүл энх, амгийн сайн сайхныг хүсэн ерөөе. Ерөнхийлөгч Н.Энхбаяр болон Монголын ард түмэн энх тайван байдлаа үргэлжлүүлэн хадгалж, эх орондоо болон гадаадад ч хайр хүндлэлээ түгээж, энх тайвныг сурталчилсаар байна гэдэгт би итгэл дүүрэн байна. Монгол Улс урт удаан хугацаанд шашин шүтэх эрх чөлөөг хүндэтгэн дээдэлдэг үлгэр жишээ орон байсаар ирлээ. Тухайлбал, шашин шүтэх, эс шүтэх эрх чөлөөг Үндсэн хуулиараа баталгаажуулсан билээ. Өөр өөр шашинуудыг хүлээн зөвшөөрч, шүтлэгтнүүд нэг нэгнээ сонсох нь хүн төрөлхтөний хамгийн чухал үүрэг юм. Чингис хаан ч XIII зуунд христ, ислам, буддын шашинтнуудыг эх нутагтаа урьж, өөр өөр шашинтай хүмүүстэй хамтдаа амьдарч байсан түүх бий. Энэ уламжлал үеэс үе дамжин ирсээр бүх шашинг хүлээн зөвшөөрдөг өнөөгийн энэ нээлттэй нийгмийг бүтээжээ” гэж бичсэн байна.
Discussion about this post