“Холливуд” Амараагийн тоглосон кино Японд нээлтээ хийнэ

Ардын жүжигчин С.Сарантуяа, “Холливуд” Амараа, бүжигчин М.Бямбаа нарын тоглосон “Хөх тэнгэрийн хязгаарт” кино 2021 оны 02 сарын 26-нд Япон орон даяар нээлтээ хийхээр болжээ. “Хөх тэнгэрийн хязгаарт” кино 68 дахь удаагийн International Film Festival Mannheim-Heidelberg”-аас  хамгийн том 2 шагналын эзэн болсон. Тухайлбал эхнийх нь Talent awards буюу нийт оролцсон 50 киноноос Шилдэг уран бүтээлийн шагналыг хүртжээ. Мөн 1930 онд Бельги улсад үүсэн байгуулагдсан FIPRESCI буюу International Federation of Film Critics байгууллагаас FIPRESCI Awards буюу Мэрэгжилийн кино шүүмжлэгчдийн нэрэмжит шагналын эзэн болсон юм. Энэ байгууллага нь томоохон фестиваль (Cannes, Venice, Toronto International Film festival г.м)-д оролцож буй кинонуудаас сонгож өөрийн нэрэмжит шагналаа олгодог дэлхийн кино шүүмжлэгдийн нэгдсэн нэр хүндтэй байгууллага юм байна.  Энэ киног дэлгэцнээ амилуулахад хамгийн чухал үүрэг гүйцэтгэсэн продюсерийн баг Номадиа пикчерс, П.Эрхэмбулган нарт “Холливуд” Амараа талархлаа илэрхийлсэн. Тус киноны зураг авалтын 80% Монголд, 20 хувь нь Японд хийгдсэн билээ. “Холливуд” Амараагаас гадна Б.Цэцэг, бүжигчин Бямбаа нар тоглосон юм.