Цагдаагийн байгууллагад гуравдугаар сарын 12-ны 16:30 цаг орчимд Булган аймгийн Сэлэнга сумын I багийн нутаг дэвсгэрээс “Эмэгтэй хүн нас барсан байдалтай байна” гэх мэдээлэл иржээ. Мэдээллийн дагуу Булган аймаг дахь цагдаагийн газраас шалгалтын ажиллагаа зохион байгуулж, Орхон аймгийн Баян-Өндөр суманд оршин суух хаягтай 2022 оны хоёрдугаар сарын 16-ны өдөр сураггүй болж, Орхон аймаг дахь цагдаагийн газраас эрэн сурвалжлагдаж байсан 24 настай эмэгтэй С гадны нөлөөтэй амиа алдсан болохын тогтоосон байна.
Талийгаач С-ийг сураггүй болсонтой холбогдуулан 52 настай эрэгтэй Б-г шалгаж байх хугацаанд буюу 2022 оны хоёрдугаар сарын 19-нд Б өөрийн амийг егүүтгэсэн байжээ. Одоогийн байдлаар дээрх хэргүүдэд тухайн нутаг дэвсгэр хариуцсан цагдаагийн байгууллагаас мөрдөн шалгах ажиллагааг явуулж байна.
Discussion about this post