“Эрдэнэс Тавантолгой” ХК-ийн дэргэдэх бизнесийн зөвлөлд Ц.Наранханд багтжээ

Нийслэлийн гэмт хэргээс урьдчилан сэргийлэх ажлыг зохицуулах салбар зөвлөлийн  дэргэдэх Олон нийтийн зөвлөлийн гишүүдийг шинэчлэн баталжээ. Энэ Олон нийтийн зөвлөлд “Эра” төвийн захирал мисс, загвар өмсөгч Д.Эрдэнэтуяа, мисс Д.Долгион, сэтгүүлч Г.Гэрэл, Ийгл телевизийн хөтлөгч Ж.Төгсжаргал гээд дөрвөн бүсгүй оруулсан байдаг.

 Тэгвэл “Эрдэнэс Тавантолгой” ХК-ийн бизнесийн зөвлөлд жүжигчин Ц.Наранхандыг оруулжээ. Ц.Наранханд “Лакитент” оог сурталчилсан үзэсгэлэнт гурван бүсгүйн нэг.  Тэрбээр “Морьтхангай” группын захирал Эрдэнэтэй амьдарч анхны хүүгээ төрүүлсэн. “Морьтхангай” группын захирлын анхны гэргий 10 гаруй жил ханилсан авааль гэргий нь хүүхэд төрүүлээгүй тул, хүүг нь төрүүлсэн Ц.Наранхандыг сонголоо гэж байсан билээ. “Морьтхангай” группын захирлаас удалгүй салсан Ц.Наранханд “Үрийг хүмүүжүүлэх судар” гарган, лектор болсон. Жүжигчин Ц.Наранханд буюу олноо “грек” Зулаа хэмээн алдаршсан бүсгүйтэй Их тэнгэрийн аманд цуутай хурим хийж байсан нь одоо хэдийнэ “ул” болжээ. Тухайн үед жүжигчин бүсгүй эр нөхөртөө алтернатив Отгоотой хамтран “Чамдаа зориулья” гэдэг дуугаар бэлэг болгон дуулсан билээ.  Харин тэр цагаас хойш “Лаки минт” Наранхандыг гадаадын бийлэгжүү эртэй хайр сэтгэлийн романс үүсгэх болсон талаар хэвлэлээр нэг цуурсан. Түүний удаах сонголт “Баянгол” зочид буудлын нууц ноёдын нэг, “Женко” Х.Баттулгын бизнесийн дотны түнш Биллигийн ах сингапур эр гэсэн яриа гарч байсан үе бий. Сайхан хүүхнийг хов тойрох биш.

Өнгөрсөн 2020 оны сонгуулиар Ховдод нэр дэвшин ялсан Ш.Адьшааг даган сонгогчдод нь лекц уншиж явсан бүсгүй эдүгээ “Эрдэнэс Тавантолгой” ХК-ийн бизнесийн зөвлөлд багтжээ.

“Эрдэнэс Тавантолгой” ХК-ийн дэргэдэх бизнес зөвлөлийн гишүүдийг танилцуулж байна.

Бизнесийн зөвлөл нь олон нийт, хувьцаа эзэмшигч, олон улсын хөрөнгө оруулагч талуудад компанийн үйл ажиллагааны талаарх мэдээллийг хүргэх, компанийн бизнесийн стратегид зөвлөх, нийгмийн хариуцлагын хүрээнд хамтран ажиллах зорилготой.

– Б.Батчулуун, Философийн ухааны доктор

– Д.Хулан, Lhamour брендийн Үүсгэн байгуулагч

– Ч.Анар, ONDO-н үүсгэн байгуулагч болоод Гүйцэтгэх захирал

– А.Бямбажаргал, Фаро Лимитед Группийн үүсгэн байгуулагч, Facebook-н албан ёсны төлөөлөгч

– Richard Sawyer, Уул уурхайн салбарын эксперт

– Ц.Наранханд, Соёл судлаач

– Ө.Үнэнбүрэн, Монголын бизнесийн зөвлөлийн Гүйцэтгэх захирал

– Г.Энхболор, Start-Up Mongol үүсгэн байгуулагч