АНУ-ын жүжигчин Пете Дэвидсон саяхан “People” сэтгүүлд ярилцлага өгч, Ким Кардашианыг “найз бүсгүй” гэж зарлалаа. Ингэснээр олон нийтэд тодорхойгүй байсан тэдний үерхэл баталгаажлаа. Жүжигчин Пете Дэвидсон 28 настай. Харин реалити шоуны од Ким Кардашиан 41 настай. Найз залуугаасаа 13 насаар эгчмэд бүсгүй. Пете Дэвидсон “Надад инстаграм, твиттер бараг ашигладаггүй, өдөр тутмын амьдралаа нийтэд дэлгэх дургүй, гайхуулаад байх зүйл ч байдаггүй. Би найзуудтайгаа зугаацах, үгүй бол найз бүсгүйтэйгээ амарч өнжих дуртай. Надад өөр хийгээд байх зүйл байдаггүй” гэж ярьжээ.
Ким Кардашиан есөн сарын өмнө нөхөр, реппер Канье Уэстээс салах өргөдлөө шүүхэд өгсөн юм. Тэд дөрвөн хүүхэдтэй.
Харин Пете Дэвидсон өмнө нь 2018 оны тавдугаар сард дуучин Ариана Грандетэй сүй тавьсан ч таван сарын дараа цуцалсан. Үүний дараа 2019 онд өөрөөсөө 20 насаар эгч жүжигчин Кейт Бекинсэйлтэй хэсэгтээ болзож байсан билээ.
Discussion about this post