Дуучин Д.Найдандорж СУИС-ийн оюутан байх үеэсээ уран бүтээлээ хийж хүмүүст танигдсан, нийтийн дуучид дотроо чансаатайд тооцогдоно. МУСТА Д.Найдандорж төрсөн нутаг Хөвсгөл аймгийн Галт сумынхаа бүсгүй, Аж үйлдвэрийн гавьяат ажилтан Жадамбын зээ охиныг ханиараа сонгосон. Найдандоржийн эхнэр Д.Номинзул Хүмүүнлэгийн их сургуулийг төгссөн. Тэд дундаасаа ганц хөөрхөн охинтой. МУСТА Д.Найдандорж сүүлийн нэг жил гаруй эхнэрээсээ салж, тусдаа амьдарсан юм.
Юутай ч өнгөрсөн 2020 оны 4 дүгээр сард “Хамгийн чухал зүйл бол гэр бүл. Хамхуул шиг хийсэхийг хүсдэггүй” гэж ярилцлага өгсөн дуучин Найдандорж, худалч хүнд хэдхэн хоногийн дараа эхнэрээсээ тусдаа амьдарч эхэлсэн. Эхнэр нь гомдлын үгээ фэйскбүүктээ бичсэн билээ. Жил гаруй тусдаа байсан хосын харилцаа, охин нь сургуульдаа орсноор сайжирсан бололтой. Д.Найдандорж эхнэр, охин хоёртойгоо хамт охиныхоо сургуулийн хичээлийн жилийн нээлтэд очжээ. Хүмүүс эргэж нийлсэн гэж байгаа ч нэгэнт цав суусан амьдрал тийм амархан эвлэхгүй бололтой. Д.Найдандорж охиноо дагуулан ээж дээрээ очиж амарч, үе үе охинтойгоо хамт авахуулсан зургаа оруулдаг ч эхнэрийнхээ тухай дурсахгүй, зургийг нь 245000 лайктай пэйждээ, 50-60 мянга шахам дагагчтай фэйсбүүктээ оруулахгүй байна.
Discussion about this post