АНУ-ын ерөнхийлөгчийн 59 дэх удаагийн сонгуульд Бүгд найрамдах намаас одоогийн ерөнхийлөгч Дональд Трамп, Ардчилсан намаас дэд ерөнхийлөгч асан Жо Байден нар өрсөлдөж байна. Амбицтай хүчирхэг улстөрчид болох 74 настай Дональд Трамп, 77 настай Жо Байден нар АНУ-ын Ерөнхийлөгчийн сонгуульд ялалт байгуулна гэдэгт итгэлтэй байгаагаа хэлсэн. Сонгуулийг шийдвэрлэх тулалдааны чухал мужуудад санал тоолох ажил үргэлжилсээр байна. Мичиган, Висконсин мужийн Rust бүсийн мужуудад болсон ялалт ноён Байденыг ялалтад ойртуулж байна. Харин саналын дүн унах тусам ноён Трамп гол мужуудад санал тоолох ажлыг эсэргүүцэж байна. АНУ-ын сонгуулийн нийт ирц 66.9 хувь байгаа. Энэ нь сүүлийн 120 жилийн хугацаанд хамгийн өндөр ирцтэй сонгууль болох төлөвтэй байна. Ноён Байден 70.5 сая сонгогчийн дэмжлэгийг авсан. Ноён Трамп 67.2 сая хүний саналыг авсан нь 2016 онд авсан дүнгээс дөрвөн саяар илүү байна. Сонгуулийн эцсийн үр дүн гараагүй байхад Трамп, Жо Байден саналыг луйвардсан гэж мэдэгдэж, санал хураалтыг зогсоохыг шаардсан. Тэрээр “Бид бүх зүйлийг ялна гэж итгэж, том үйл ажиллагаанд бэлдсэн. Гэтэл гэнэт бүх зүйл цуцлагдлаа. Энэ бол америк иргэн бүрийг хуурсан, ичгэвтэр явдал юм. Ний нуугүй хэлэхэд би энэ сонгуульд яллаа” хэмээн мэдэгдэв. Харин түүний өрсөлдөгч Жо Байден “Энэ сонгуульд хэн ялсныг зарлах нь Трамп эсвэл миний хийх ажил биш. Бид ялна гэдэгтээ итгэлтэй байна. Ялалт тун ойрхон байна” гэжээ.
Америкчуудын анхаарлыг нэр дэвшигч хоёр эрхмээс дутуугүй татаж байгаа бол Иванка Трамп. Сонгуулийн сурталчилгааны үед бүхий л талаар аавыгаа дэмжиж, сонгогчдыг уриалж байсан Иванка Трамп аавынхаа ялна гэдэгт итгэл алдарсан бололтой. Тэрээр “Сонгууль 2020 Ажил олгогчийн донорын өгөгдөл биднийг Америкийн ажилтны нам гэдгийг баталлаа! DonaldTrump-ын хамгийн том дэмжигч, донорууд бол барилгын ажилчид, фермерүүд, ажиллах гол хүч, энгийн цэргүүд болон америкчууд юм. Харин Biden-ий дэмжлэг Том бизнес, Том Банкууд & Том Эфармаас ирдэг” гэж мэдэгджээ.
Discussion about this post