Баян-Өлгий аймагт Монголоор ярьж чадахгүй хүүхдүүд олон байгаа тухай МҮОНТ-ийн нэг бичлэг цацагдаад хүмүүс тэр үедээ хэсэг халаглаж, шогшроод өнгөрсөн. Монгол Улсын баруун хязгаар Баян-Өлгий аймагт 110 гаруй мянган хүн оршин суудаг. Үүнээс 75 хувь нь казах үндэстэн.
Одоо Баян-Өлгий аймагт хамгийн их коронавирусын халдвар хамгийн илэрч буй. Энэ нь аялан зугаалж, зорчин өнгөрөгсдөөс шалтгаалан ихэссэн гэж үзэн 10 хоног гаднаас хүн оруулахгүй хилээ хаахаар болжээ. Гэхдээ нарийн яривал энэ халдвар дотоодын аялагчдаас болсон биш. Анх 2021 оны Ерөнхийлөгчийн сонгуулийн сурталчилгааны багт ажиллахаар ирсэн 2 гишүүний 45 хүнтэй багаас илэрч, түүнээс хойш өндөр өнжихгүй халдварын тохиолдол бүртгэгдсээр буй. Коронавирусын халдвар яах вэ, сайн эмч, дархжлаажуулалт, иргэдийн халдвар хамгааллын дэглэм сахисны хүчээр буурна.
Харин өлгийд коронавирусээс илүү том, ужгирсан асуудал төрийн албаны томилгоо. Ойрын 20 гаруй жил Баян-Өлгийгөөс сонгогдсон УИХ-ын гишүүний ах дүү, амраг садан, ойрын омгийнхон төрийн албанд дээр доргүй орох болсон. Энгийн иргэн, эсвэл төв халх хүнд ажил олдоно оо гонж. Тиймээс Монгол төрийн хар хайрцагны бодлого гаргаж, Баян-Өлгий аймагт цэргийн ангитай болсон. Эрүүл мэнд, боловсролын байгууллага тойрсон томоохон албан тушаалд УИХ-ын гишүүний төрсөн ах дүү томилогддог нь нууц биш. Харин цэрэг, цагдаад тэдний гар хөл хүрдэггүй, босоо тогтолцоогоорр явдаг байсан. Одоо энэ байдал тасарлаа. Үүнийгээ Ц.Элбэгдорж, Х.Баттулгын бодлогыг сөрж хэмээн аргацааж, муу нэртэй ардчиллынхныг буруутган эвгүй томилгоо хийж эхэлжээ.
Бас л Баян-Өлгий аймгаас сонгогдсон хоёр гишүүний хүчний байгууллагын дарга нарыг өөрчилж, төрийн албаны шаардлага хангахгүй өөрийн хамаатан садны хүмүүсийг томилов. Харин энэ асуудалд Төрийн албаны зөвлөл таг. Ийм Төрийн албаны зөвлөл байснаас татан буулгасан нь шулуун биз.
Баян-Өлгий аймгийн Цагдаагийн даргаар цагдаагийн хошууч цолтой Х.Бадeлханы худ томилогджээ. Онцгой байдлын даргаар шинэ гишүүн Аубакирын хүргэн болжээ. Уг нь Баян-Өлгий аймгийн Онцгой, Цагдаагийн удирдлагад Орост акадeми төгссөн боловсролтой, халх хурандаа байсан. Ажлаа чмуугүй гүйцэтгэж, иргэдийн ам сайн байсан. Ийм байсаар атал оронд нь хэлтсийн дарга ч хийж үзээгүй хүнийг төрийн болон цэргийн албаны хууль дүрмийг зөрчих байж томилуулав. Төрийн алба. АТГ ТАГ. Уг нь Цэргийн байгууллагад улстөрийн томилгоо хийж байгаа дарга нар нь огцрох ёстой.
Discussion about this post