“Лос-Анжелес Лейкерс” багийн тамирчин Леброн Жеймс сагсан бөмбөг тоглож байгаад долларын тэрбумтан болж чадсан Үндэсний сагсан бөмбөгийн нийгэмлэгийн (NBA) анхны тоглогчоор нэрлэгдсэн тухай “Sportico” мэдээлжээ. Нэрт тамирчны цалин пүнлүү болон сурталчилгааны гэрээн дээр үндэслэн ийм дүгнэлт хийсэн байна. Леброн Жеймс 2020-2021 онд өөрийн “Лос-Анжелес Лейкерс” багтай гэрээ байгуулан 39 сая доллар олсон… Мөн дээр нь зар сурталчилгаанаас олсон орлого нэмэгдэнэ. Жеймс Леброн бол “NBA”-ийн 4 удаагийн аварга бөгөөд 4 удаа “NBA”-гийн хамгийн үнэ цэнтэй тоглогч, мөн 4 удаа “NBA”-н финалын хамгийн үнэ цэнтэй тамирчнаар шалгарсан юм. Тэрээр бас аварга шалгаруулах тэмцээний хамгийн үр дүнтэй тамирчнаар, “Оны шинэ тоглогч”-оор шалгарч байсан удаатай. Леброн Жеймс түүнчлэн 13 удаа NBA-гийн бүх оддын 1-р шигшээ багт тоглосон бол 2 удаа 2-р багт, 1 удаа 3-р багт, 5 удаа Бүх оддын шигшээ багийн хамгаалалтад багтсан. 16 удаа Бүх оддын тэмцээнд орж, 3 удаа хамгийн үнэ цэнтэй тоглогчоор тодорсон хүн. Леброн Жеймс бүр 2014 онд Америкийн Үндэсний сагсан бөмбөгийн холбоо буюу NBA-гийн хамгийн их мөнгө олдог сагсан бөмбөгчин болсон. Тухайн онд Америкийн хэвлэл, мэдээллийн хэрэгслүүдийн тооцоолсноор, тэрбээр секундэд 2,29 долларын орлого олж байсан гэнэ.
Орлогоороо хоёрт жагссан сагсан бөмбөгчин бол “Бруклин Нетс”-н тоглогч Кевин Дюрант. Тэр 580 сая долларын цалинтай, гуравт “Голден Стэйт” багийн Стефен Карри 430 сая доллартайгаар бичигджээ.
Discussion about this post