Өнгөрсөн жилийн цахим наадмаар буриад зоны төлөөлөл болгож “Эмоушн”-ий Сарнайг дуулуулсан. Энэ жил хошин шогийн жүжигчин Г.Алтаншагайг буриад дуу дуулуулсан нь шүүмжлэл дагуулж буй. Харин энэ талаар Г.Алтаншагай “Бүгдийн чинь комментыг уншлаа. Тэгээд та нарыг өрөвдөх шиг, бас гомдох шиг боллоо. Би маш их сургуулилт хийж хувцсаа хүртэл маш их зөвлөгөө авч хийлгэсэн…Энгийн байснаас гоёмсог, урлаг шүү дээ энэ чинь гэж бодож дэгжин болгож хийлгэсэн. Алдаа бол байхгүй хаана ч хэлнэ, хувцас дээр бол.
Би өөрөө буриадуудын дунд өссөн болоод ч тэр үү буриад зонд их хайртай. Тийм ч учраас энэ улсуудыг ард түмэнд таниулах юмсан гэж бодож олон уран бүтээлээ хийдэг. Олон ч дуу дуулдаг. Олон ч буриад хүний дүрийг чадлаараа бүтээхийг хичээдэг. “МОЙЛХОН” УСК-нд тоглосны дараа ч гэсэн шүүмж их л ирж байсан. Мэдээж та бүхэн үндэс угсаагаа гэлгүй л яахав…Гэхдээ цаг хугацааны дараа намайг их үнэлсэн БУРИАД ЗОН маань…
Энэ наадмаар хүртэл Казак Хальмаг Цаатан үндэстэн ястны Олон сонголт байсан ч нөгөө л зангаараа буриад дууг нь сонгоод л дуулсан. Би та нар шиг цэвэр Буриадаар дуулж чадахгүй нь ойлгомжтой (гэхдээ би дуу бичүүлэхдээ хүртэл буриад дуучин зөвлөхтэй байсан). Шүүмжлэх бол маш амархан л даа. Гэхдээ үүний цаана ямар их сэтгэл,хөдөлмөр байдгийг битгий мартаарай.
Энд миний маш олон буриад найзууд коммент үлдээсэн байна. Найздаа зүгээр л хэл л дээ. Эцэст нь хэлэхэд та бүхний үндэс угсаагаа хамгаалах нь зөвөө ойлгож байна.
Гэхдээ би доромжиллоо гээд байгаа хүмүүстэй бол нанчилдахад бэлэн хөвүүн шүү. Би БАХАРХАЖ ДУУЛСАН юм шүү…Юунд яг гомдоод байгааг ойлгосонгүй.Сарлаг дээр бол ёстой УУЧЛААРАЙ…Би ч дотроо бас бодож л байсан
гэхдээ буриад хүн сарлаг унаж болохгүй гээд заагаагүй байлгүй дээ.
гэхдээ буриад хүн сарлаг унаж болохгүй гээд заагаагүй байлгүй дээ.Та бүхнийг хүндэтгэсэн МОЙЛХОНЫ СОДНОМ -оос” гэжээ.
Discussion about this post