“Petro Matad” компани газрын тос олборлох зөвшөөрлөө авч чадахгүй, хойшилсоор байгаа. Энэ мэдээ гарсны дараа Лондонгийн Хөрөнгийн биржид хувьцааных нь ханш 19 хувиар унажээ. Тус компани газрын тосны XX талбайд олборлолт хийхээр төлөвлөөд байгаа юм байна. “Петро матад” нөөцийн тайлангаа боловсруулсан ч, нөөцийн тайланг нь хэлэлцэх ёстой Эрдэс баялгийн мэргэжлийн зөвлөлийн хуралдаан хойшилсоор байгаа аж. УИХ-ын сонгуулийн дараа тус зөвлөлийн бүрэлдэхүүнийг шинэчлэнэ гэсэн ч одоо хүртэл эцэслэн шийдээгүй байгаа гэнэ. “Petro Matad” компани есдүгээр сарын эцэс гэхэд нөөцийн тайлангаа хэлэлцүүлнэ гэж тооцоолж байсан ч хугацаа сунжирч, хувьцааных нь ханш унаж эхэлжээ.
“Petro Matad”-ийн “Цэн тогоруу” талбайн олборлох боломжтой нөөцийн дундаж хэмжээг 33 сая баррель гэж тайланд дурдсан байна. Мөн геологийн баялгийн хэмжээг нь хамгийн сүүлд 20 хувиар нэмэгдүүлж, 194 сая баррель гэж тооцоолоод байгаа.
Discussion about this post