Улсын наадмын дараахан болсон Засгийн газрын хуралдаанаар Хөдөлмөр нийгэм хамгааллын дэд сайдаар Сархадын Зулпхарыг томилосон. Урьд нь Удирдлагын академийн захирлаар ажиллаж байсан С.Зулпхар УИХ-ын гишүүн асан Баян-Өлгийд нөлөөтэй улстөрч А.Тлeйханы нагац эгчийн хүү аж. Тиймээс улстөрчдийн ургийн модыг үргэлжлүүлж яваа нэгэн гэж болно. Дэд сайд Сархадын зулпхар 1975 онд Улаанбаатар хотод төрсөн. Эхнэр, хүүхдүүдийн хамт амьдардаг. 1992 онд Улаанбаатар хотын 56 дугаар дунд сургууль, 1994 онд Турк Улсын Мимар Синаны их сургууль, 1998 онд Монгол Улсын Их Сургуулийг тус тус төгссөн байна. Социологич мэргэжилтэй. Доктор, профессор. 1998-2008 онд Удирдлагын академид Багш, ахлах багш, 2009-2012 онд Удирдлагын академийн Нийгмийн удирдлагын хөтөлбөрийн удирдагч, Нийгмийн удирдлагын тэнхимийн эрхлэгч, 2012-2016 онд Удирдлагын академийн Улс төр судлал, нийгмийн удирдлагын тэнхимийн эрхлэгч, 2016 оноос Удирдлагын академийн захирлаар ажиллаж байна. Улсад 22 жил ажилласан энэ эрхэм эрдэм боловсролоор хаана ч гологдохгүй. Харин гаднах төрх имиж нь хүмүүсийг гайхшруулж “Гитлертэй адилхан” гэгдэж байна.
Discussion about this post