С.Сэрчмаа өөрийгөө “Малена”-тай зүйрлэв

Дуучин С.Сэрчмаа “Никитон”-ы Бачкатай хамт машинд “лайв” хийхдээ Бачкагийн ярьсан анекдот биш, эмзэглэмээр болсон явдлыш ярихад тачигнатал инээж байгаад олон нийтийн шүүмжлэлд өртсөн. Тэр тусмаа Монголын анхны чөлөөт телевизийн нэг 25 дугаар телевиз асуудалд тун мэдрэмжтэй, хүний эрхийг дээдлэн хандаж, С.Сэрчмаагийн хөтлөн явуулдаг нэвтрүүлгийг эфирээр гаргахгүй болсноо зарлалаа. Тэрчлэн Капитрон банк бас “Никитон”-ы Батчулуунаас гэрээгээ цуцалснаа мэдэгдлээ.

Энэ бүхэн дуучин С.Сэрчмаагийн боловсрол мэдлэг, хүн чанар, ёс зүй ямархуу хэмжээнд байгааг харуулсан хэрэг болсон. Гэвч С.Сэрчмаа улам л бодлогогүйгээ харуулж, байн байн өөрийгөө өмөөрсөн пост оруулж байна. Өнөөдөр “Би Малина гээд кинон дээр гардаг хүүхэн шиг л хараалгууллаа шүү. Маш хэцүү байдаг юм байна. Утас бүр notfication доо даруулаад гацаад унтарч байна ш дээ. Гэхдээ маш олон хүний урмийн үгсээр тэтгэгдэж хөл дээрээ босч ирлээ. Үгээр хүнийг үхүүлж үгээр хүнийг босгож болдог юм байна. Сэли нь үхээд сэрлээ. Амьдралдаа инээснээсээ болоод алуулсан хамгийн эхний хүн Сэрчмаа боллоо. Үхтлээ хараалгуулах 1 өдөр байхад үр хүүхдийнхээ төлөө болон нийгмийнхээ сайн сайхны төлөө явж хүчээ өргөж ерөөлгүүлэх 1000 ,1000 өдөр ирэх болноо! гэжээ. “Малена” киноны нэрийг буруу бичснээс эхлээд ямархуу “юм” тогтоодог цээж тархитайгаа харуулсаар явна.

С.Сэрчмаа хоёр охины ээж, нас нь 40 хүрч яваа эмэгтэй. С.Сэрчмаа 2010 оны эхний өдөр Хятадын нийслэл Бээжинд Өвөрмонгол эр Баярттай хуримаа хийсэн. Харин хуримаа хийгээд хоёр жил ч бололгүй, охиноо тэврээд төрхөмдөө буцаж ирсэн. Ирэхдээ эр нөхрөөсөө мөнгө байнга нэхдэг, 120 сая төгрөг нэхээдп өгөхгүй болохоор, нөхрийнхөө бенц машины шилийг хага цохижээ, нөхрөө орхин өөр хүнтэй зугаалжээ гэсэн бөөн хов живтэй ирсэн. Ирээд ч эхнэр хүүхэдтэй хүнтэй орооцолдож, асуудалд орж явсан. Харин ч С.Сэрчмааг “хүн ядрахаар ургаа” гээд олон нийт хайрлаж ирсэн. Энэ удаагийн хэрэг бол яах ч аргагүй дуучин С.Сэрчмаагийн өөрийн буруу. Өөрөө унасан хүүхэд уйлдаггүй. Харин С.Сэрчмаа үг бүртээ бусдыг буруутгаж, өөрийгөө өмөөрөх өнцөг гаргахаар оролдох нь улам л ухаалаг бус харагдуулж байгаагаа мэддэг болов уу?