Туркийн олон ангит “Агуу зуун” кинонд дуртай монголчууд олон. Тэрчлэн “Агуу зуун” кино Оросын үзэгчдийн сонирхлыг татаж, олон мянган үзэгчтэй болжээ. Энэ киноны гол чимэг нь Османы эзэнт гүрний их хаан Султан Сулейман хааны хатан Хюррим. “Агуу зуун” кинонд Хюррим хатны дүрийг Герман, Турк гаралтай жүжигчин Мерьем Узрели бүтээж, олон улсад нэрд гарсан. Энэ дөрөвдүгээр сарын 16-нд Туркийн жүжигчин Мерьем Узрели ОХУ-ын нийслэл Москвад эмэгтэйчүүдийн форум 2021 уулзалтад оролцохоор ирэх аж. Энэ үеэрээ “Агуу зуун” киноны үзэгчид, фэнүүдтэйгээ уулзалт хийж байгаа юм байна. Турк жүжигчин бүсгүйтэй уулзах суудал, үзэгдэх орчноос хамаарч өөр өөр үнэтэй. Уг уулзалтын билет нь хамгийн хямдхан 7000 рубль, хамгийн үнэтэй нь 150 000 рубль гэж зарагдаж байна.
Discussion about this post