Ерөнхий сайд асан Л.Оюун-Эрдэнэ “Б.Энхбаяр Я.Содбаатарын найз, дэд сайд Нямжавтай хамтарч цагдаагийн албан хаагчдын цалингийн үлдэгдэл болох 5 тэрбум төгрөгийг Нямжав руу шилжүүлж тараасан” гэж мэдэгдлээ. Чихнийхээ хажуугаар өнгөрөөж боломгүй ноцтой мэдээлэл. Ингэхэд ийм мундаг эрх мэдэлтэй дэд сайд Нямжав гэж хэн бэ?
Дэд сайд Б.Нямжав нь Тусгаар тогтнолын ордон буюу МАН-ын байрны зүүн жигүүрийн 2 давхрыг бүхлээр нь эзэмшдэг, мөн Морин спорт уяачдын холбооны тэргүүнээр ажиллаж байсан.
“Монгол групп”-ийн ерөнхийлөгч Б.Нямжав Төв аймгийн Баян сумын уугуул, Миеэгомбын Энхболдтой нэг нутаг учир хурдан мориор дамжиж улс төр, бизнест хамтрагчид болсон гэнэ.
2017 онд М.Энхболдыг Ерөнхийлөгчийн сонгуульд нэр дэвшихэд “Эм Жи Эл корпораци” гэдэг компанийнхаа нэр дээр арилжааны банкнаас 10 тэрбум төгрөг зээлэн авч өгч байсан “сайн” дүү нь гэх яриа байдаг.
Сүүлийн үеийн баячуудын адил баараар баяжсан гэнэ. Хүүхдийн 100-гийн Сөүл плазагийн “Чоко” баар түүнийх. Мөн Лениний музей буюу Үлэг гүрвэлийн музей байрладаг байшинд баар ажиллуулдаг байсан.
Уг барилга музей болохоос өмнө нийслэлийн МАН байрладаг байсныг бүгд мэднэ. Иргэн Б.Нямжав МАН-аас ерөнхий түрээслэгч нэрээр авчихсан баар ажиллуулдаг байж. Гэтэл “уг барилгыг Үлэг гүрвэлийн музей болгох Засгийн газрын шийдвэр гарсанаар тэнд үйл ажиллагаа явуулж байсан баар маань үйл ажиллагаагаа зогсоочихлоо, олох байсан ашгийг минь төр төлөх ёстой” гэж шүүхэд зарга үүсгэж явсан их эр. Ингээд 5 тэрбум төгрөгийг шүүхийн шийдвэрийн дагуу 2023 оны төсвөөс гаргуулж авсан байна. Эндээс л Оюукын ярьсан 5 тэрбум учиг холбоо гарч ирэх болов уу?
Хууль зүй, дотоод хэргийн сайд Б.Энхбаярын 2023 оны 12 дугаар сарын 18-нд гаргасан тушаалын дагуу “Төрийн байгууллага, ажилтны буруутай үйл ажиллагаанаас үүссэн хохирлын нөхөн төлбөр гэдэг ангиллаар эхний 5 тэрбум төгрөгийг “Эм Жи Эл Корпораци” ХХК-д шилжүүлсэн гэж яригддаг. Эндээс л Б.Нямжавыг Б.Энхбаяр сайдтай ойр гэх яриа гарчээ.
Discussion about this post