Дэлхийн оюуны өмчийн байгууллагад онцлогдсон “Шимийн охь” БНХАУ-ын CFDF 114 дэх удаагийн үзэсгэлэнд Монгол ондоошлыг түгээв

Үндэсний брэнд, өв уламжлал, Монгол дархлаа дэлхийд танигдах бүтээгдэхүүн болж гарна гэдэг амаргүй даваа. Уламжлалт идээ ундааны өв соёлыг орчин үеийн инновацтай хослуулсан “Шимийн охь” брэнд олон улсын тавцанд амжилттай оролцсоор байна. Тус брэнд 2026 оны 3 сарын 26-28 нд БНХАУ-ын Чэнду хотноо зохион байгуулагдсан China Food and Drinks Fair (CFDF)-ийн 114 дэх удаагийн олон улсын үзэсгэлэнд оролцож, Монголын онцлог, уламжлалт соёл, амтыг дэлхий нийтэд сурталчиллаа.

Олон улсын нэр хүндтэй үзэсгэлэн

CFDF үзэсгэлэн нь анх 1955 онд зохион байгуулагдаж эхэлсэн бөгөөд өнөөдөр хүнс, ундаа үйлдвэрлэлийн салбарын хамгийн нэр хүндтэй, цар хүрээ өргөн арга хэмжээнүүдийн нэгт зүй ёсоор тооцогддог. Жил бүр:

3000+ оролцогч байгууллага
100,000 гаруй мэргэжлийн зочин
Дэлхийн олон орны үйлдвэрлэгч, импортлогч, хөрөнгө оруулагчид

нэг дор цугларч, шинэ бүтээгдэхүүн, инноваци, хамтын ажиллагааны боломжийг нээдэг.

Уламжлалт идээ ундааны соёлоо тээгч “Шимийн охь” брэнд энэхүү том үзэсгэлэнд танилцуулагдсан нь бахархалтай. Монгол ондоошлоо хадгалан дэлхийд тасралтгүй түгээх үйлсэд жинтэй хувь нэмэр оруулсан чухал үйл явдал боллоо.

“Шимийн охь” – уламжлал ба инновацын нэгдэл

“Шимийн охь” нь Монголчуудын эртнээс уламжилж ирсэн идээ ундааны соёлыг хадгалан, орчин үеийн технологиор баяжуулсан онцлог бүтээгдэхүүн юм. Уг брэнд нь:

Монгол уламжлалт амтыг хадгалсан
Дархлаа дэмжих ач холбогдолтой
Орчин үеийн савлагаа, шийдэлтэй
Олон улсын стандартад нийцсэн

гээд л бүтээгдэхүүнээрээ хэрэглэгчдийн анхаарлыг татаж байна.

Түүнчлэн “Шимийн охь” нь өмнө нь Азийн томоохон хүнсний үзэсгэлэн болох Foodex 2025-д оролцож байсан нь Монгол брэнд Жижиг дунд үйлдвэрлэгч олон улсын тавцанд байр суурь эзэлж буйг харуулж байна.

Монгол ондоошлыг дэлхийд түгээж байна

CFDF 2026 үзэсгэлэнд “Шимийн охь”-ийг танилцуулсан нь зөвхөн нэг бүтээгдэхүүнийг сурталчилсан үйл явдал бус, Монголын:

Уламжлалт идээ ундааны соёл түүх
Үндэсний брэнд бүтээх чадвар
Байгалийн гаралтай, шим тэжээлтэй бүтээгдэхүүнзэрэг Эх орныхоо онцлог ондоошлоо дэлхийд таниулсан бас нэгэн чухал алхам боллоо.

сүүлийн үед Тусгай хүлээн авалтад хамгийн хүндтэй ёслол хүндэтгэлд сүүн идээ ундаа болох “Шимийн охь” брэндийг хүндэтгэн залах болсон нь тус бүтээгдэхүүний чанар чансааг илтгэж байна.

Монголын уламжлалт амт, өв соёлыг инновацтай хослуулсан “Шимийн охь” брэнд ийнхүү олон улсын тавцанд амжилттай гарч, дэлхийд Монгол ондоошлыг түгээсээр байна. Цаашид ч үндэсний брэндүүд ийнхүү дэлхийн зах зээлд өрсөлдөхүйц бүтээгдэхүүн болж хөгжих боломж нээлттэй хэвээр байна.

Шимтэй байг ээ.