Түүхэн баримт бичгийг худалдсан этгээдийн нэрийг илчлэхийг шүүхээс үүрэг болголоо

Хойд Рейн-Вестфалийн Дээд Захиргааны Шүүхээс 2025 оны 12 дугаар сарын 16-нд Бонн хот дахь Түүхийн танхимыг “Шабовскийн тэмдэглэл” хэмээх түүхэн баримт бичгийг худалдсан этгээдүүдийн нэрийг илчлэхийг үүрэг болголоо.

Энэхүү нэхэмжлэлийг BILD сонины ерөнхий редактор, сэтгүүлч Ханс Вильгельм Сауре гаргасан бөгөөд тэрээр Берлиний ханыг нураахад шууд нөлөөлсөн гэж үздэг уг баримт бичиг 2015 онд 25,000 еврогоор музейн цуглуулгад орсон түүхийг олон жилийн турш судалж, худалдсан этгээдийг хэн болохыг тодруулахыг шаарджээ.

Шүүхийн шийдвэрт, уг мэдээлэл нь тухайн хүмүүсийн хувийн амьдралтай бус, харин олон нийтийн хүрээнд хийсэн үйлдэлтэй холбоотой тул хэвлэлийн мэдээлэл авах эрхийн хүрээнд багтаж байна. Мөн “мэдээлэл өгөх” ба “нийтлэх” нь ялгаатай ойлголт бөгөөд мэдээллийг нийтлэх эсэх нь хэвлэл мэдээллийн байгууллагын редакцын хариуцлагын асуудал гэдгийг онцлон дурдсан байна.