Хоёр жилийн өмнө од болж байсан шударга тав албан тушаал аваад үдүүлсэн гэж шүүмжлүүлж байгаа. Тэгвэл өнөөдөр УИХ-ын гишүүн асан Ж.Батзандан гэнэт хэлд орж, фэйсбүүкээрээ дамжуулан ийн дуугарлаа.
2 жилийн өмнөх энэ өдөр Монголын ард түмний хувьд түүхэн тэмцлийн өдөр байлаа. Бүлэглэлийн эсрэг Монгол түмэн нам үл харгалзан нэгдэн нийлсэн юм. МАН-аас 3 гишүүн, АН-аас 2 гишүүн Чингис хааныхаа талбайд гарч 30 гаруй мянган шударга иргэдтэйгээ хамт дуу хоолойгоо хүргэсэн. Бид “Баялагтаа эзэн Монголын төлөө” Эрдэнэт, Оюутолгой, Асгат, Таван толгойгоо авч үлдэхийн төлөө, улс төрд ноёрхсон /хууль шүүхийг атгасан /гурван Э-гээр ахлуулсан 60 тэрбумын МАНАН бүлэглэлээс салахын төлөө, тэдний 30 жил Монголыг тонон дээрэмдсэн авлигын сүлжээг нураахын төлөө тэмцсэн юм.
Энэхүү тэмцлийн үр дүнд олон зүйл өөрчлөгдөж байна. Үр шимийг нь иргэд хүртэж байгаа. Цаашид ч томоохон өөрчлөлтүүд хийгдэж Бүлэглэлийг үндсээр нь нураах цаг ирнэ. Дутуугаа гүйцээж дундуураа дүүргэх цаг ирнэ. Манан бүлэглэлийн эсрэг тэмцэлийг дэмжсэн мянга мянган Монголчууддаа сайн сайхан бүхнийг хүсэн ерөөе.
Хөх Мөнх Тэнгэр Та бүхнийг ивээг.
Хөл Хорионд суугаа Ж. Батзандан чинь.”
Discussion about this post