Сүүлийн үед Их Британийн ханхүү Уильямын гэргий Кейт Миддлтон олны өмнө гарахгүй байгаа нь түүний эрүүл мэндтэй холбоотой гэж байлаа. Хэвлийн хөндийн мэс засал энэ оны эхээр хийлгэсэн гэж яриад байгаа. Гэвч, үнэндээ байдаг ноцтой бололтой. Анх Британийн The Independent-д Уэльсийн ханхүүгийн нууц амраг байж мэдэх бүсгүйн талаар мэдээлэл гарч байв.
Кейт Миддлтон хуримын бөгжгүй явах болсон, гэр бүлийн харилцаа нь хүндхэн байж болзошгүй гэж таамаглаж байна.
Кейт, Уильям нарын таарамжгүй харилцааны тухай шуугианд тос нэмж Стивен Кольбер шоугаа хөтлөх үеэрээ Уильям загвар өмсөгч байсан, Чамли гүнгийн ахайтан гэдгээрээ алдартай Роуз Хэнберитэй учиртай гэж ам алджээ. Тэрбээр “Гүнж Кейт олны өмнө харагдахгүй байгаа нь нөхөр, Английн ирээдүйн хаан Уильям нууц амрагтай болсонтой холбоотой гэж интернет хэрэглэгчид хардаж байна” гэсэн байна.
Анх 2019 онд The Sun сэтгүүл Кейт Миддлтон загвар өмсөгч асан Роуз Хэнберитэй хэрэлдсэн гэж бичиж байв. Хатагтай Роуз, нөхөр гүн Дэвид Чамли Норфолк дахь хааны ордноос 6 километр зайтай амьдардаг, Кейт болон Уильям нарын танил байжээ. Гүн Чамли ханхүүтэй хамт анд явж, тэд нэгнийхээрээ зочлон, хүүхдүүд нь хамт тоглодог байж. Рөүзийн нөхөр гүн Чамли Уильям, Кейт болон эхнэрээсээ насаар ахмад, аавтай нь чацуу настай хүн.
Энэ яриа нь хоёр гэр бүлийн хүрээнийхнээс эхтэй. Ханхүү Уилям болон Роуз Хэнбери хоёр учиртай болоод удаж буйг хөршүүд нь өөр хоорондоо хов жив болгон ярьдаг гэнэ.
Өнгөрөгч 2023 оны 12 дугаар сараас хойш олны өмнө Кейт Миддлтон гараагүй байгаа, мөн ханхүүгийн хууралтын талаарх шуугиан улам газар авсаар, тархсаар байна. Энэ яриа даамжирч, Уильямаас Кейт салж, Кейт өөрөө гэр бүлээ цуцлуулах гэж байгаа гэх яриа ч гарах болжээ.
Сонирхуулахад Кейт Миддлтон хунтайжтай 2001 оноос Шотландын Сент-Эндрюгийн их сургуульд суралцаж байхдаа танилцсан түүхтэй. Кейт 2003 онд хунтайжийн харцанд торж, улмаар хайр сэтгэлийн холбоотой болжээ. Тэд сүй тавьж, 2011 оны 4 сарын 29-нд хуримаа хийж, одоо 3 хүүхдийн аав ээж болоод буй.
()
Discussion about this post