Бага насаа Швейцарьт өөр нэрээр амьдарсан Умард Солонгосын удирдагч Ким Жон Ун гадаадын үнэтэй тансаг эд бараанд их хэмжээний мөнгө үрдэг. Европын тансаг брэндүүд, үнэтэй шампакст, виски түүний байнгын хэрэглээ.
Хэдийгээр сүүлийн жилүүдэд тус улсын ард иргэд хүнсний хомсдолд орж, өлөн зэлмүүн амьдарч байгаа ч Пхёньяны дарга ангийнхны тансаг хэрэглээ буурахгүй байгааг Өмнөд Солонгосын эх орноо нэгтгэх яамны төлөөлөгч мэдээлжээ. Умардын тэргүүн хатагтай Дтор, Шанел зэрэг брэндээр байнга гоёдог нь гэрэл зургаар баталгаажсаар. Мөн Умардын улирдагчийн охин дүү ч бас брэнд хэрэглэдэг.
НҮБ-ын аюулгүй байдлын зөвлөлийн 2006 оны тогтоолоор тансаг ангиллын бараа бүтээгдэхүүнийг Умард Солонгост экспортлохыг хориглосон. Гэхдээ тус улсын эрх баригчид эдгээрийг хууль бус аргаар олж авсаар байгаа юм.
“Умард Солонгосын дэглэм жил бүр Ким Жон Уны гэр бүлийн тансаг хэрэглээнд олон зуун саяас хэдэн тэрбум воны хэмжээтэй мөнгийг зарцуулсан хэвээр байна. Тансаг бараа бүтээгдэхүүний импортын хэмжээ цар тахлын үеэр буурсан ч өнгөрсөн оны хоёрдугаар хагасаас эхлэн дахин өссөн байна” гэж Сөүлийн албаны эх сурвалж мэдээлжээ..
Сүүлийн үед тус улсын эрх баригчид тансаг эдлэлээ нууж хаалгүй ил харуулах явдал улам нэмэгдсэнийг хэвлэл мэдээллээр тарж буй зургуудыг тогтоожээ.
Өнгөрсөн есдүгээр сард Ким Жон Уны ОХУ-д хийсэн айлчлалын үеэр түүний дүү Ким Ёо Жун гартаа Францын Christian Dior брэндийн арьсан цүнх барьсан нь хэвлэлийн дуранд хэд хэдэн удаа өртөж байв.
Гэр бүлийнхээ хэрэгцээнээс гадна Ким өөрийн тойрон хүрээлэгчдийг тансаг эдлэлээр хангаж, үнэнч байдлыг нь урамшуулдаг.
“Ким өөрт таалагдсан албан тушаалтнууд болон цэргийн салбарт онцгой амжилт гаргасан хүмүүст тансаг ангиллын автомашин бэлэглэдэг. Тэр бас чухал ойн баяр ёслол болон намын их хурлын үеэр албан тушаалтнуудыг Швейцарын Omega бугуйн цаг болон орчин үеийн электроник бараагаар шагнадаг гэсэн баримт бий” гэж Өмнөд Солонгосын албаны эх сурвалж ярьжээ.
()
Discussion about this post