Үерийн гамшгийн дараах цэвэрлэгээ, хэвийн байдалд оруулах зам засварын ажил зэргийг хийж гүйцэтгэж байгаа албан хаагчдын 15-д гэдэсний суулгалт өвчин илэрчээ.
Их хэмжээний үер болсны дараа халдварын тохиолдол ихээр нэмэгддэг аж. Хог, лагийг цэвэрлэж байгаа албан хаагчдын 15 нь гэдэсний суулгалтаар өвдсөн ба тэдний 8 нь хүндэвтэр байна.
НЭМГ-ын дарга П.Эрхэмбулган:
Үер усны гамшиг тохиолдсон хороодод маш олон алба хаагч ажилласан.
Өдөрт 1000 орчим алба хаагч ажиллалаа. Тэдгээр алба хаагчид дөрөв хоног тасралтгүй ажиллаж байна.
Харин ажиллагаанд оролцсон нийт алба хаагчдын 16-аас нь гэдэсний халдварт өвчин илэрсэн. Хөнгөн болон хүндэвтэр гэсэн оноштойгоор ХӨСҮТ-д хэвтэн эмчлүүлж байна гэв.
Үерийн хор уршгийг арилгах, сэргээн босгох ажилд нийслэлийн гамшгаас хамгаалах алба, мэргэжлийн анги, төрийн цэргийн болон хууль сахиулах байгууллагын нийт 22 байгууллагын 800 гаруй алба хаагч, 140 тээврийн хэрэгсэл, техниктэйгээр ажиллажээ.
()
Discussion about this post