Чин улсын сүүлчийн эзэн хааны зүүж байсан “Patek Philippe” цаг Хонгконгт болсон дуудлага худалдаагаар 6.2 сая ам.долларын үнээр зарагджээ.
Айсингиоро Пү И 1945-1950 оны хооронд ЗХУ-ын шоронд хоригдож байхдаа энэ цагийг өөрийн орчуулагч, дотнын найз Георгий Пермяковд дурсгасан аж. Харин Пү И 1937 онд бүтээгдсэн тус цагийг хэзээ, хэрхэн өөрийн болгосон нь тодорхойгүй байдаг.
Манжийн сүүлчийн хааны эдэлж явсан цаг гэх ховор түүхийг агуулснаас гадна дэлхийд ердөө найман ширхэг бүтээгдсэн гэдэг утгаараа “96 Quantieme Lune” загварын энэхүү цаг асар үнэ цэнтэй байх нь ойлгомжтой юм.
Түүнчлэн Пү И Токиод байхдаа өөрийн гараар дээр нь дурсгалын үг бичээд орчуулагчдаа бэлэглэж байсан улаан цаасан дэвүүр мөн тус дуудлага худалдаагаар зарагдаж, 77.8 мянган ам.долларын үнэ хүрсэн байна. 
()
Discussion about this post