Өнгөрсөн онд түүх соёлын дурсгалт зүйлс, байгалийн төрц гэх зэрэг эрдэнэсийг шилжүүлж авахаар Монгол Улсын эрдэнэсийн санд 2 тэрбум төгрөг төсөвлөжээ. Харин 954 тэрбум төгрөгийн худалдан авалт хийсэн байна. Энэ мөнгөөр 2022 онд Эрдэнэсийн санд 108 ширхэг дурсгалын зоос, Жадамба судар, байгалийн төрц алт зэрэг үнэт зүйлсийг худалдан авчээ. Мөн “Чингис хаан” музейд Чингис хааны баримал, алтан тамганы хамт бүтээлгэсэн байна.
Эрдэнэсийн сан нь 1984 онд байгуулагдсан. Үнэт метал, эрдэнэсийн зүйлсийг цуглуулж, хадгалж, мөн үнэт метал, эрдэнэсийн зүйлсээр урласан урлагийн бүтээлүүдийг хадгалдаг юм.
Тухайлбал Эрдэнэсийн сангийн дэргэд “Мөнгөн тэмдэгтийн танхим” саяхан нээсэн юм.
“Мөнгөн тэмдэгтийн танхим”-д Эрдэнэсийн санд хадгалагдаж буй эртний зоос, Монгол Улсад төлбөрийн үүрэг гүйцэтгэж байсан эд зүйлс, цаасан болон зоосон мөнгөн тэмдэгт, дурсгалын зоос зэрэг нэн ховор, түүхэн ач холбогдолтой үзмэрүүд хадгалагдаж байна. Тухайлбал 20 кг хунз цай, Манж Чин улсын үе, 1926 оноос өнөөг хүртэл гүйлгээнд хэрэглэж байсан зоосон мөнгө, төлбөрийн хэрэгслүүдийн иж бүрэн цуглуулгыг нэрлэж болох юм.
Монгол Улсын Эрдэнэсийн санд 1 их наяд орчим төгрөгийн үнэлгээтэй үзмэр бий бөгөөд тэдгээрийг олон нийтэд нээлттэй үзүүлдэг. Одоо “Чингис хаан” музейтэй хамтран ажиллаж, зарим хосгүй үнэт үзмэрүүдийг тус музейд дэглэн олон нийтэд үзүүлж байгаа ажээ.
()
Discussion about this post