Зурхай судлаач мэргэжилтэй хувиараа эм тан бэлддэг М.Б нь иргэн Л.Б-ын гэрт нь хамт согтууруулах ундааны зүйл хэрэглэж байхдаа Л.Б-ын хэтрүүлэн хэрэглэсэн байдлыг нь далимдуулж, гэрт нь байсан “Жамъяндагва” нэртэй бурхныг сүүлийн үеийн хийцийн адилхан бурхнаар сольжээ. Болсон явдлын тухай хохирогч нь “…Манай өвөө П.Л нь Төв Гандантэгчинлэн хийдийн тэргүүлэгч лам байсан бөгөөд нас барсан. Нас барах үед нь манай гэрээр өвөөгийн шавь гэж өөрийгөө танилцуулсан М.Б гэгч хүн гэрээр орж гардаг байсан. Тухайн үед М.Б-д ямар нэгэн хар буруу санаж байгаагүй. Дараа нь цагдаагийн газраас намайг дуудаад “Танай гэрт байсан “Жамъяндагва” бурхныг сольж тавьсан байна” гэж хэлсэн. Үүний дагуу гэртээ очиж үзэхэд үнэхээр өвөөгөөс маань үлдсэн шармал гуулин бурхныг сольж тавьсан байсан…” гэжээ. Харин “шавь” нь “… Миний бие Л.Б гэх хүний гэрт өмнө нь хэд хэдэн удаа орж байсан. Тэгэхэд шар өнгийн бурхныг харуулж байсан. Намайг гэртээ байхад Л.Б нь “Гэртээ архи ууж байна, чи архи аваад манайд хүрээд ирээч” гэсэн. Тэгэхээр нь би интернэт дээрээс “бурхан зарна” гэсэн зарын дагуу Нарантуул зах дээрээс тухайн бурхантай адилхан харагддаг бурхныг 250.000 төгрөгөөр худалдаж авсан. Үүнийхээ дараа би дэлгүүр ороод хэдэн ширхэг пиво, нэг ширхэг 500 граммын архи аваад очсон. Намайг ороход Л.Б нь гэртээ ганцаараа, их согтсон байсан. Тэгээд би хоёр архи ууж байхдаа Л.Б-ыг угаалгын өрөө орох хооронд би бурхан байсан өрөөнд байсан бурхныг Нарантуул захаас худалдаж авсан бурхнаар солиод өөрийн үүрч явсан цүнхэнд хийсэн…” гэжээ.
()
Discussion about this post