Он гарсаар улсын хэмжээнд бүртгэгдсэн сураггүй алга болсон 12, төөрсөн 5 буюу нийт 17 удаагийн дуудлагаар Онцгой байдлын байгууллагын алба хаагчид үүрэг гүйцэтгэлээ.
Алба хаагчид 9 иргэний амь насыг авран хамгаалж, ар гэрт болоод холбогдох байгууллагад хүлээлгэн өгсөн юм.
Тухайлбал, өчигдөр буюу 23-нд Дархан-Уул аймгийн Дархан, Дорноговь аймгийн Алтанширээ, Даланжаргалан, Өмнөговь аймгийн Цогтцэций, Дундговь аймгийн Хулд суманд 5 дуудлага бүртгэгдсэн байна.
Иймд хол, ойрын замд гарахдаа аюулгүй байдлаа хангах, малчид малаа ойрын бэлчээрт бэлчээх, мэргэжлийн байгууллагаас өгч байгаа сэрэмжлүүлэг мэдээ, мэдээллийг тухай бүрт хүлээн авч, болзошгүй эрсдэлээс сэргийлэхийг Онцгой байдлын байгууллагаас зөвлөж байна.
()
Discussion about this post