ХААН банк Х.Мөнгөнцэцэгийг хасаж, Э.Чулуунчимэгийг сонгожээ

Дуучин Э.Чулуунчимэг, Б.Алтанжаргалтай хамт аялан тоглолтоор яваа. Анх хөгжмийн зохиолч Т.Сэр-Одын уран бүтээлийн тайлан тоглолт дээр алдарт “Зөвхөн чамдаа”-г дуулж тайзан дээр гарч, анхны алхмаа тавьсан. Одоо 10 гаруй жил дуулж, жилдээ нэг шахуу тоглолт, цомог гаргадаг хөдөлмөрч нэгэн. Аз гэдэг хөдөлмөрлөсөн хүнд ирдэг гэдэг үнэн бололтой…

Өнгөрсөн зун ХААН банкны 30 жилийн ой тун нижгэр болж, гол усаараа битгий хэл Монголоороо нэг юм болов.  ХААН Банк нийт харилцагчдадаа талархал илэрхийлж, 90 харилцагчид iPhone-12 гар утас бэлэглэсэн. Мөн Зууны манлай дуучин Б.Сарантуяатай хамгийн их хамтарсан ХААН банк ойн хүрээнд 10 дуучин шилж сонгон дуулуулжээ.

Дуучдаас МУГЖ С.Эрдэнэцэцэг, А.Түмэн-Өлзий, Х.Мөнгөнцэцэг тэргүүтэй дуучдыг оролцуулахаар ярьж,  А.Түмэн-Өлзийг олон нийтийн сүлжээнд тааруу пост оруулсан гэж орхиж, Х.Мөнгөнцэцэгээс ч бас татгалзаж, дуучин Э.Чулуунчимэгийг оруулсан ажээ. Одоо олны танил улс, урлагийн одод биеэ авч явах байдал төдийгүй, олон нийтийн сүлжээнд ч үгээ хянаж цэгнэхгүй бол ийм шүүлтүүр, шалгуураар орж, томоохон компанийн тоглолт, тайзан дээр гарах төлөвтэй. 

()