НЭМГ-т 40 ширхэг автомашиныг Нийслэлийн төсвөөс шийдвэрлэн өгөх юм. Өнөөдөр эхний ээлжийн 12 автомашиныг хүлээлгэн өглөө гэж 2020 оны 8 дугаар сарын 18-нд сүр дуулиантай мэдээ цацагдсан.
Нийслэлд “Моннис” компани эрүүл мэндийн байгууллагуудад эмнэлгийн тусламж үйлчилгээний зориулалтын 40 ширхэг автомашин нийлүүлэх 4,8 тэрбум төгрөгийн өртөгтэй тендерт шалгарч, энэ дагуу хийгджээ. Энэ тендерийг “Монгол улсын Үндэсний аюулгүй айдлын үзэл баримтлалын тухай” гэх хуулиас болоод 2020 онд шалгаж чадаагүй. Харин энэ онд шалгатал бөөн холион бантан болсон нь илэрчээ. Хамгийн эхэнд “Моннис” тээврийн хэрэгслийн дагалдах маш чухал тоног төхөөрөмж болох нэг бүр нь 25,9 сая төгрөгийн үнэтэй 40 ширхэг амьсгалын аппарат, мөн 2,5 сая төгрөгийн дефибрьлятор гээд нийтдээ нэг тэрбум төгрөгийн хэрэгслийг өнөөг хүртэл нийлээгүй аж. Өгсөн хоёр ч машины арлын болон серийн дугаар нь зөржээ. Тендерийн техникийн үзүүлэлтэнд дагалдах хэрэгслээр бүрэн тоногдлогдсон дөрвөн хаалгатай эмнэлгийн тусламж үйлчилгээний машин гэж тусгасан ч үзүүлэлтэд хүрээгүй гэнэ. Мөн гаалийн бүрдүүлэлтийг “үйлчилгээний зориулалттай бага оврын автобус” гэж хийснээс болж ашиглагч байгууллагад өндөр татвар ногдсон байна. Түүнээс гадна жолооч нар нь “Д” ангилал авах шаардлагатай болсон зэргээр “Моннис” тендерт ялсан биш бөөн давхар чирэгдэл үүсээд байна. Энэ компанитай холбоотой иймэрхүү будлиан, маргаан байнга гардаг ч төрөөс зарлаж буй тендерүүдэд ялаад байдаг нь сонирхолтой.
()
Discussion about this post