Сайхан хүүхний “эрлэг” Питер Майкл Дэвидсон модель Эмили Ратажковскитэй болзож байна. Питер Майкл Дэвидсон 1993 оны 11 дүгээр сарын 16-нд төрсөн, Америкийн инээдмийн жүжигчин юм. Тэрбээр 2014-2022 он хооронд 8 улирлын турш “NBC”-ийн “Saturday Night Live” скетч инээдмийн цувралд тогложээ.
Дэвидсон карьераа 2010-аад оны эхээр “Brooklyn Nine-Nine”, “Friends of Friends” зэрэг кинонуудад туслах дүрд тоглож эхэлсэн. Аав Скотт Мэттью Дэвидсон Нью-Йоркийн гал сөнөөгч байсан ч 2001 онд Дэлхийн худалдааны төвд тохиолдсон есдүгээр сарын 11-ний халдлагын үеэр нас баржээ.
Эх сурвалж “Пит, Эмили хоёр хэдэн сарын турш хосын харилцаатай байгаа мөн хосууд эхний шатандаа л явж байгаа, гэхдээ хоёулаа бие биедээ үнэхээр дуртай” гэв. Питийн хошин шогийн мэдрэмж хэн бүхнийг гайхшруулдаг. “Пит Эмилиг өдөр бүр инээлгэж байгаа бөгөөд бас их хайрладаг”… Эмили 31 настай. 2018 онд тамирчин залуутай гэрлэж хүүтэй болсон ч удалгүй салсан юм.
Пит Дэвидсон хүүхэмсэг гэдгээрээ танигдсан бөгөөд олон алдартай экс найз бүсгүйтэй. Тэр өмнө нь 49 настай Кейт Бекинсейл, 29 настай Ариана Гранде, 27 настай Фиби Дайневор, 28 настай Ларри Дэвидийн охин Кэззи Дэвид мөн Ким Кардашиан нартай болзож байжээ. 21 настай Кайа Гербер гэхэд алдарт загвар өмсөгч, Синди Кроуфордын ганц охин, одооны супермоделийн нэг.
Шинэхэн найз бүсгүй Эмили О’Хара Ратажковски Англи гаралтай Америкийн загвар өмсөгч, жүжигчин. Лондонд америк эцэг эхийн гэр бүлд төрж, Калифорниа мужийн Энчинитас хотод өссөн. Ратажковски хүүхэд байхаасаа Nickelodeon-ы цувралд тоглож олны танил болсон, түүнээс ч өмнө зар сурталчилгаанд тоглож эхэлсэн юм.
()
Discussion about this post