Х.ТҮЦ хамтлагаас олны танил болох гараагаа эхэлж, олон нийтийн танил болсоор 10 хол гаруй жил болсон жүжигчин А.Туяа нэг ч удаа найз залуугаа олны өмнө гаргаж байгаагүй. Удтал ганц бие явсан сайхан бүсгүй 37 насныхаа босгон дээр найз залуугаа олонд танилцуулав. Хөнгөмсөг дүр бүтээдэг ч амьдрал дээрээ чамбай, оногдсон дүрээ сайн гаргадаг А.Туяагийн найз залуу нь хөтлөгч Анхаа. UBS телевизийн хөтлөгч байсан Анхаа нэг үе П.Анужинтай хослон “мацагтан онол”-ыг монголчуудад номлосон билээ.
Жүжигчин А.Туяа ярилцлага өгөхдөө найз залуутай гэж хэлдэг, харин нэрийг нь дурддаггүй байсан. Бүр 2018 оноос жүжигчин Туяаг Анхаатай үерхдэг гэх яриа гарсан ч хэн хэн нь батлаагүй, үгүйсгээгүй. Харин одоо цаг нь болсон гэж үзсэн бололтой. Саяхнаас тэд хосууд гэдгээ батлан хамт байгаа зураг болон бичлэгээ оруулж эхлэв. Нэгнээ хайрлаж, хамт байгаагаа илэрхийлсэн тэдэнд инстаграм хэрэглэгчид аз жаргал ерөөн, баяр хүргэж байна. 
Discussion about this post