Ким Кардашиан, Пит Дэвидсон нар есөн сар хамт байсны эцэст салжээ. Тэд зүгээр л найзууд болохоор шийдсэнийг “Daily mail” хуудас мэдээлжээ. 28 настай Пит, 41 настай Ким нар анх “Saturday night live” нэвтрүүлэгт оролцсоныхоо дараа хайр сэтгэлийн холбоотой болсон.
Пит Дэвидсон удахгүй нээлтээ хийх “Wizzards” киноныхоо зураг авалтад оролцож Австралид хэдэн сар амьдарч буй. Ким Кардашиан өнгөрсөн 7 дугаар сард хайртай залуутайгаа уулзахаар Австралийг зорьсон. Австралийнг ширэнгэн ойн дунд байрлах таван одтой тансаг эко буудал ч тэдний харилцааг сэргээсэнгүй. Тэд буудалд хамтдаа байрласан. Гэвч энэ уулзалт тэдний харилцааг улам дордуулжээ.
Пит Дэвидсон өмнө нь Синди Кроуфордын охин Каиа Гербер, Ариана Гранде зэрэг алдартантай үерхэж байв. Реалити шоуны од Ким Кардашианы хувьд хөгжмийн продюсер Дэймон Томас, дуучин Рэй Жи, Жастин Бибер, Криштиан Роналду зэрэг олон хүнтэй холбогдож, сагсчин Крис Хамфристэй гэрлэж байжээ. Хүүхдүүдийнх нь эцэг Канье Уэст түүний 3 дахь гэрлэлт.
Discussion about this post