Ардын жүжигчин Д.Цэрэндагва амьд домог болсон авьяаслаг, сайхан жүжигчин бий. Одоо ид “хит” болж буй “Тамгагүй төр” жүжигт бөөгийн дүрд тоглон тайзан дээр залуустай зэрэгцэн 2 цаг “цамнаж” чадаж байна. Бахархахаас аргагүй. Гэргий нь мөн л Ардын жүжигчин Ж.Мэндбаяр манай урдаа барих “том” жүжигчдийн нэг. Насны зөрүүтэй, хайр, амьдрал нь домог болсон хосууд хоёр талаасаа хоёр, хоёр хүүхэдтэй нийлж байсан билээ.
Ардын жүжигчин Д.Цэрэндагва гуайн ууган хүү Ц.Гансэрээ нь авъяаслаг найруулагч. “Freeline” студийн эзэн Ц.Гансэрээг уран бүтээлчид андахгүй. Нүд, хөмсөг болсон найруулагч эрхмийн гэргий Үндэсний телевизийн урдаа барих дуу оруулагчдын нэг, Дэлхийн шилдэг кино төслийг удирддаг байсан сайхан жүжигчин бүсгүй Д.Батцэцэг. Уран бүтээлч хос “Freeline” студээрээ дамжуулан телевизүүдийн кино албыг хариуцах, уран сайхны кино, захиалгат нэвтрүүлэг хийх зэргээр зогсоо зайгүй ажилладаг. Манайхны сайн мэдэх “Хайрын эрэлд”, “Хайр эргэсэн” телевизийн олон ангит киног “Боловсрол суваг” телевизтэй хамтарч хийсэн.
Саяхан Монгол уран бүтээлчид “Далан гурван цаг” бүрэн хэмжээний жүжгийг англи хэлээр АНУ, Герман, Швед, Орос, Австри, Солонгос, Япон зэрэг 10 гаруй орны театрын тайзнаа тоглоно. Тиймээс уг жүжиг цаашид дор хаяж гурван жил үргэлжилж, ОУ-ын театрын үйл ажиллагаануудад оролцохоор төлөвлөжээ. Энэ жүжигт дуу хоолой, царай зүсээрээ гайхуулдаг сайхан бүсгүй Д.Батцэцэг, жүжигчин Р.Анхнямтай хамтран тоглоно. Д.Батцэцэгийн зургийг харсан улс Топ Одгэрэлээс ч сайхан харагдаж байна гэлцэв.
Discussion about this post