“Шивээ-Овоо” ХХК-ийн дарга нар 43 сая төгрөгөөр акталсан краныг хувьдаа авангуутаа сарын 17,5 сая төгрөгөөр уурхайдаа буцааж түрээсэлжээ

“Шивээ-Овоо” ХХК-ийн дарга нар 43 сая төгрөгөөр акталсан краныг хувьдаа авангуутаа сарын 17,5 сая төгрөгөөр уурхайдаа буцааж түрээсэлжээ.

“Эрдэнэс Монгол”-ын охин компани “Шивээ-Овоо” Төрийн өмчит компаний гүйцэтгэх захирлаар 2017 онд УИХ-ын гишүүн Б.Дэлгэрсайханы “ төлөөний хүн “Ц.Энхтүвшинг, дэд захирлаар УИХ-ын гишүүн Ч.Хүрэлбаатарын “төлөөний хүн”, Увс аймгийн Засаг дарга асан Э.Цасчихэрийг тус тус томилжээ. Шивээ-Овоогийн уурхай хоёр даргын ах дүү, хамаатан саднуудаар дүүрч, хувийн компани шиг ажиллах болжээ. Хяналтгүй болсон дарга нар нь ажилладаггүй сэлбэг хэрэгслүүдийг ээлж дараалан уурхайд өндөр үнээр “шахаж”, хувьдаа ашиг олох болжээ. Ганцхан жишээ хэлэхэд:

“Шивээ-Овоо” ХХК-ийн Техникийн албаны дарга Л. Гэрэл нь уурхайд хэвийн ажиллаж байсан 16 тн-ы краныг 43 сая төгрөгөөр акталж заржээ. Уг краныг Б.Баяраа гэх ажилчныхаа нэр дээр өөрөө авангуутаа дараа сараас нь буцаагаад уурхайд сар бүр 17.5 сая төгрөгөөр түрээслэх болжээ. Энэ краны төлбөр нь Б.Баяраа гэх иргэний нэрээр компанид орж, “Бялхам Хүсэл” ХХК”ийн нэрээр уурхайгаас сар бүр түрээсийн 17,5 сая төгрөг авч байгааг Шилэн дансны мэдээлээс харж болно. Б.ОТГОН