АПУ ХК-ийн борлуулалтын орлого 2021 онд өмнөх оноос 36.3 хувиар өсөж, 669.7 тэрбум төгрөг болсон байна. Тайлант хугацаанд цэвэр ашиг нь өмнөх оноос 73 хувиар өсөж, 153.6 тэрбум төгрөг хүрчээ.
Энэ нь АПУ компанийн борлуулалт болон цэвэр ашиг түүхэн дээд түвшинд хүрсэн үзүүлэлт болж байна.
АПУ ХК гадаад зах зээлээ эрчимтэй тэлж борлуулалтаа нэмэгдүүлэхэд анхаарч байгааг мэдээлж байв. Тухайлбал: Өнгөрсөн нэг жилийн хугацаанд ОХУ-д экспортолсон бүтээгдэхүүний хэмжээ нь 220 хувиар өссөн байна.
Тус компани 2021 оны сүүлийн хагас жилийн цэвэр ашгаас нэгж хувьцаанд 60 төгрөг буюу нийт 63.8 тэрбум төгрөг олгохоор болсноо зарлаад байгаа юм.
Үүнээс өмнө оны эхний хагас жилийн ашгаас нэгж хувьцаанд 46 төгрөг буюу 48.9 тэрбум төгрөг олгосон аж. Ингэснээр нэгж хувьцаанд 106 төгрөг буюу нийт 112.7 тэрбум төгрөгийг хувьцаа эзэмшигчдэдээ олгохоор болоод байна.
Өнөөдөр тус компанийн нэгж хувьцааны ханш 2.29 хувиар өсөж, 1656 төгрөг боллоо. Ингэснээр хувьцааны ханшаар илэрхийлэх зах зээлийн үнэлгээ нь нэг их наяд 760.2 тэрбум төгрөгөөр хэмжигдэж байна.
Discussion about this post