Мүүний шашинг “Цэнхэр үст” Цэрэн олны анхааралд оруулсан. Дэлхий даяар энх тайвныг тогтоох эрмэлзэлтэй Мүүний шашныг Солонгос гаралтай АНУ-ын тэрбумтан Сан Мён Мүүн гэдэг эрхэм үүсгэн байгуулжээ. Хойд Солонгост төрж, Өмнөд Солонгост бага, идэр насаа өнгөрөөж, АНУ-д суурьшсан энэ бизнесмэн хэвлэл мэдээллийн сүлжээтэй, томоохон бизнес. Итгэн шүтдэг дагалдагч олон ч түүнээс дутахгүй үзэн ядагчидтай. 2012 онд 92 насандаа өөд болсон энэ эрхмийг 16 хүүхэдтэй . Түүний ууган хүү Хюн Жин Мүүн саяхан сонирхолтой мэдэгдэл хийж, олны анхааралд оров. Хюн Жин Мүүн Монгол хэдэнтээ ирж байсныг тус сүмийн итгэгчид сүсэгтнүүд мэднэ.
АНУ дахь солонгосчуудын үндэслэсэн Пенсильванийн Ньюфаундленд хотод төвтэй буу шүтдэг сүмийн удирдагч дагагчдадаа зэр зэвсгээ сайн базааж, цаг нь ирэхэд сатантай тэмцэж буй Трампын төлөө үхэхийг уриалжээ. Энэ сарын 12-нд тус сүмийн удирдагч Сийн хэмээх Хьюн Жин Мүн цахим номлол уншихдаа Америк орон сүйрлийн ирмэгт тулж ирээд байна хэмээн анхааруулжээ. Тэрбээр Дональд Трампыг бурхан дэлхийг авруулахаар илгээсэн сүүлчийн хүн хэмээн тодорхойлж, хүн бүр түүний төлөө тулалдаж, амиа өргөхөд бэлэн байх ёстой хэмээн уриалсан байна.
Хюн Жин Нам Мүүн “Хэрвээ энэ замбараагүй явдлын эсрэг одоо л тэмцэхгүй бол хүн төрөлхтөн төсөөлшгүй муухай тоталитар нийгэмд амьдрахаас өөр аргагүй болно. Тэгэхгүйн тулд бид амь насаараа тэмцэх ёстой” хэмээн ярьжээ. Мүүн хэдий албан ёсоор Трампад ажилладаггүй ч Ерөнхийлөгчийн сонгууль болохын өмнө олон улс, тэр дундаа Өмнөд Солонгос, Япон орны итгэгчдийг Трампын сурталчилгааны ажил хийхийг уриалж байжээ. Сүмийн эх сурвалжийн хэлснээр Мүний дээрх тушаалыг биелүүлэхээр зарим хүмүүс цалингүй чөлөө авч, ажлаа тасалж, зарим нь бүр ажлаасаа гарсан гэнэ.
Цахим номлолынхоо дундуур Мүүн хэрвээ Жо Байден албан ёсоор Ерөнхийлөгчийн суудалд суувал байдал хэцүүдэж, иргэний дайн дэгдэхдээ тулна хэмээн онцлоод “Байден Ерөнхийлөгч боллоо гэж бодъё. Тэр хамгийн түрүүнд буу эзэмших тухай хуульд өөрчлөлт оруулж, Трампын хийсэн бүхнийг нураах болно. Тэр үед хэчнээн консерватив үзэлтнүүд бат зогсч чадах вэ, тийм цаг үе ирвэл бид цагдаа нартай байлдана гэсэн үг. Хэрвээ тэгвэл цагдаа нар хүний олноор ялах болно. Тэгээд тэд чамайг, бүх л бүтэн гэр бүлийг чинь хөнөөх болно” хэмээн ярьжээ. Тэрбээр номлолынхоо төгсгөлд америк гаралгүй америкчуудыг нэгдэж, ямар нэгэн зүйл хийж эхлэх хэрэгтэйг анхааруулжээ.
Discussion about this post