Малчин М.Ганзориг 2975 толгой мал тоолуулж, Өвөрхангай аймагт тэргүүлжээ

Өвөрхангай аймаг 2021 оны жилийн эцсийн мал тооллогоор 4 сая 22 мянган толгой мал тоолуулсан.

Бүрд сумын 2 дугаар багийн малчин М.Ганзориг 2975 толгой мал тоолуулж нийт мал сүргийнхээ тоо толгойгоор аймагтаа тэргүүлжээ.

Бүрд сумын 1 дүгээр багийн малчин Б.Отгонбаяр 2800 толгой мал, Бүрд сумын 3 дугаар багийн малчин Г.Золжаргал 2719, Баянгол сумын 3 дугаар багийн малчин Ч.Отгонбаатар 2709, Бүрд сумын 1 дүгээр багийн малчин П.Мөнхөө 2242 толгой мал тус тус тоолуулж, аймагтаа тэргүүлжээ.

Буянт мал сүргээ өсгөн үржүүлж, аймаг орон нутагтаа малынхаа тоо толгойгоор тэргүүлсэн хөдөлмөрч, малчин түмэндээ баяр хүргэе.