Цахим орчинд яамны ажилтнуудаа “п…” гэж загнадаг сайд байна хэмээн ярьж, хүмүүс “баян айлын эрх охин” л биз гэлцсэн. Тэгвэл тэр хүн нь Н.Уртнасан сайд гэнэ. БОАЖ-ын сайд Н.Уртнасан Алба, хэлтэс, газрын дарга нараа өрөөндөө дуудаад, “Миний үгээр явахгүй бол зайл”, “Амьдралыг чинь 3 секундэд шийднэ…9 секундэд шийднэ…30 секундэд шийднэ” хэмээн орилж чарладаг гэнэ.
Н.Уртнасан сайд гуай ангийн квот хуваарилах асуудалд ихэд хилэгнэж, өөрийнх нь нэр дэвшүүлсэн компанид эрх хуваарилсангүй хэмээн уурссан байна. Тэрчлэн төрийн жинхэнэ албан хаагч, Хүрээлэн буй орчин, амьтан, ургамал, байгалийн нөөцийн хэлстийн дарга П.Цогтсайханыг өөрийнх нь компанийг дэмжээгүй гэдэг үндэслэлээр халчихжээ.
Төрийн сайд атлаа туслахаа гичий хэмээн харааж, их бухимдахаараа “П” гэдэг үгийг урсгадаг гэнэ. Яам хэлтсийн дараалан толгой дараалан загнаж, зайлаарай хэмээн гэрээсээ хөөж байгаа эхнэр аятай загнадаг гэнэ. Энэ сайдынхаа ааш аяг, дарамтыг дийлэхгүй Аялал жуулчлалын газрын дарга С.Баясгалан халагдах өргөдлөө өгчээ. С.Баясгалан бол УИХ-ын гишүүн асан Ц.Цогзолмаагийн охин гэдгийг бүгд мэднэ.
Н.Уртнасан сайдыг байхгүйд тамга дарагдах учиртай бүх ажлууд, бичиг баримт гацдаг болжээ. Арай төрийн тамгыг цүнхэлж явж, гэртээ аваачдаг юм биш байгаа гэж хардлага гарчээ.
Discussion about this post