В Баярсайханыг хийсэн бүтээснээс нь гадна “Санаанаас сая долларын Старт Ап” номоор нь залуус төдийгүй үе үеийнхэн андахгүй. Энэ ном Интерном номын дэлгүүрт гэхэд 19900 төгрөгөөр худалдаалагдаж буй. Саяхан энэ ном дахин хэвлэлтэд орж, 10000 ширхэг борлуулж бестселлер болж байна. Тэрбээр “10,000 дахь хэвлэлтдээ орлоо! “Санаанаас сая долларын стартап” ном маань. Энэхүү баяраа тэмдэглэж дахиж шинээр 250 ном дээр гарын үсэг зураад Интерномын төв салбарт тавилаа. Уншигчдын сэтгэгдлээр зохиолч хүн үнэхээр их урамшдаг юм байна. Маш их баярлалаа” гэжээ. Монголд номоо 10000 ширхэг зарна гэдэг сайн үзүүлэлт. Номын дэлгүүрт өгөх хувь, хэвлэлтийн зардал гээд зардал гарах ч энэ ном эзэндээ ээлээ өгч, чамгүй ашиг олж байгаа бололтой.
Энэ номын зохиолч В.Баярсайхан олон мянган залуусыг ажлын байр, ажил олгогчтой холбох гүүр болсон BizNetwork.mn сайтыг анх санаачилсан. Мөн Dell корпорацид их өгөгдөл чиглэлийн бүтээгдэхүүн хариуцсан менежерээр ажиллаж, АНУ-ын Вашигнтоны Их сургуулийг бизнесийн удирдлагын магист зэргэгтэй төгсжээ. Америкт MBA-д суралцах хугацаандаа Amazon.com компанид ахлах бүтээгдэхүүний менежерээр ажилласан гээд атаархмаар ажлын туршлага, намтартай залуу. Түүгээр ч зогсохгүй Турк улсын Эгэ Их сургуульд компьютерийн ухаанаар бакалаврын зэрэг хамгаалж, Истанбул хотод банкны программ хангамжийн чиглэлээр ажиллаж байгаад эх орондоо ирж ажиллаж байгаа хөдөлмөрч хүн.
Discussion about this post