Афганчуудад төдийгүй дэлхий даяар айдас төрүүлдэг Талибан гэдэг үг уг нь оюутан гэсэн сайхан үг. 1990-ээд оны дундуур Пакистаны шашны сургуулийн оюутнууд “Талибан” буюу “Оюутнууд” гэх нэршилтэй зэвсэгт бүлгэмийг үүсгэн байгуулжээ. Тэд Афганистанд исламын шашны Ханафийн сургуулийг дэлгэрүүлж, Мулла Омарын шариатын хуулийг сахиулан, Исламын шашинт засгийн газар байгуулах зорилгоор нэгдэж байсан юм. Тэдний зорилго биелж, АНУ-ын дэмжлэгтэй засаглаж байсан Ерөнхийлөгч асан Ашраф Ганийг буулган, НАТО-гийн цэргүүдийг нутгаасаа хөөж, төрийн эрхийг гартаа аваад байна. Энэ дэглэмийн золиос нь эмэгтэйчүүд, хүүхдүүд болдог нь нэгэнт тодорхой болсон.
Талибчууд АНУ-ын холбоотон, Цэргийн удирдагч Абдул Рашид Достумын алтан чимэглэлээр гоёсон тансаг харшийг эзлэн аваад буй бичлэгээ цацсан юм. Зэвсэгт халдлагын улмаас Дэд ерөнхийлөгч асан Достум Узбекистан улс руу дүрвээд буй юм. Достум болон түүний ойрын хамсаатан, амбан захирагч асан Атта Мохаммад Нур нар нь Афганистаны улс төрд голлох үүрэг гүйцэтгэгчид билээ. Тэдний тансаг харш олны анхаарлыг татаж байгаа юм.
Discussion about this post