Гоо бүсгүйчүүд сайхан байна гэдэг нөр их хөдөлмөр, золиос гэлцдэг. Энэ нь эрчүүдийн хувьд ч ялгаагүй биз. “Хувьсал” продакшны нүүр царай болсон жүжигчин, “Зүрхээр наадагч” киноны Билгүүний дүрд тоглож олон танигдсан О.Мөнхдалай өөртөө анхаарал тавьдаг залуу. Загвар өмсөгчөөр ажиллаж, Азийн топ модель болж байсан амжилттай. Жүжигчин О.Мөнхдалайг дасгал хөдөлгөөн их хийдэг. Өглөө босоод хамгийн түрүүнд дасгал хийдэг гэнэ. Кино зураг авалт, загварын шоунд оролцохоосоо өмнө бүр илүү их дасгал хийдэг аж. Түүний спортлог биеийн нууц нь өлөн дээрээ гэдэсний таталтыг 400 удаа хийдгийн ач гэж ярьжээ. Монгол залуус 30 хүрэв үү, үгүй юу гүзээтэй болчихдог. Харин жүжигчин О.Мөнхдалай булчинлаг байгаа нь өглөө бүр 400 удаа хийдэг гэдэсний таталтын ач биз.
Жүжигчин, загвар өмсөгч О.Мөнхдалай “Урлагийн салбарт ажиллаж байгаа болохоор мэдээж хамгийн түрүүнд бие галбиртаа анхаарал тавихгүй бол болдоггүй. Хичнээн ажил ихтэй байсан ч 7 хоногт 3 удаа заавал спортоор хичээллэдэг. Хоолны дэглэмийг сүүлийн үед хатуу барьж байгаа. Гурил, хонины мах огт идэхгүй байгаа. Авч чадахгүй байгаа амин дэмээ нэмэлт бүтээгдэхүүнээр орлуулж, өөрийнхөө эрүүл мэндэд анхаарал тавьдаг. Би ер нь сүүлийн үед том булчинтай гэхээсээ илүү яргай чанга, фит биетэй байхыг хүсч, дасгалаа өөрчилсөн” гэж зөвлөжээ. Монголын сайхан залуусын нэг О.Мөнхдалай сошиал ховорхон ордог, идэвхи муутай. Уран бүтээл хийж, кино жүжигт тоглох үеэрээ л зар сурталчилгааны маягаар сошиалд идэвхтэй байдаг гэнэ. Өмнө нь инстаграм бараг ашигладаггүй байсан. Харин дуучин А.Хишигдалайтай хайр сэтгэлийн холбоотой болсноос хойш инстаграмаа идэвхтэй ашиглаж эхэлжээ. Алтны дэргэдэх гууль шарлана гэж энэ байх даа…
Discussion about this post