Виктория Бехкэм, Дэвид Бекхэмтэй гэрлэх үеэрээ өмссөн корсетноос болж, охид хэт нарийн бэлхүүстэй болох гэж оролдож, нэг охин “өвчин” туссан тухай ээж нь шүүхэд зарга мэдүүлж байсан.
Дөрвөн хүүхдийн ээж ч биеийн жингээ ягштал барьдаг Виктория Бекхэм бас л хэт туранхай модель сонгосноороо хэл аманд орж байсан. Загварын ертөнцөд өөрийн гэсэн байр суурьтай Виктория Бекхэм сурталчилгаандаа хэт туранхай модель тоглуулж нийгэмд буруу үлгэр дууриал үзүүлсэн гэх шүүмжлэлд өртжээ. Тэрбээр саяхан олон нийтийн сүлжээгээр нүдний шилний брэндийнхээ 2018 оны хавар, зуны загварыг сурталчилсан зургуудаа сонирхуулсан юм. Сурталчилгаанд Литва улсын 29 настай модель Гидре Дукаускайте тогложээ. Модель бүсгүйн хэт туранхай байдал нь Виктория бүсгүйг буруутгахад хүргэсэн байна.
Их Британийн телевизийн хөтлөгч Пирс Морган сурталчилгааны зургийг өөрийн твиттер хуудастаа байршуулан “Би энэ зургийг хараад өөрийгөө тарган мэтээр мэдэрч байна. Тэгэхээр залуу охидод энэ нь ямар нөлөө үзүүлэх нь тодорхой биз дээ. Виктория Бекхэм, та өөрөөсөө ичээч” гэж бичжээ.
Discussion about this post