Говь-Алтай аймгийн Хантайшир бөхийн дэвжээ, Ирээдүй Алтай Оюутан залуучуудын холбооны залуус санаачлан хамтран “Сэтгэлийн хүчээ Ирээдүйд” нэртэй төсөл хэрэгжүүлжээ.
Энэ ажлын хүрээнд Говь-Алтай аймгийн нэгдсэн эмнэлэгт зориулж, Түргэн тусламжийн машиныг Хантайшир бөхийн дэвжээний Тэргүүн Харумафужи Д.Бямбадорж бэлэглэжээ. Мөн цар тахлын энэ хүнд хэцүү цагт нярайн амьсгалын аппарат захиалсан байгаа. Тун удахгүй Алтайн төв эмнэлэгт гардуулж өгөх аж.
Уг төслийн хүрээнд хандив босгож, Говь-Алтай аймагт Спорт сургалтын төв барихаар болжээ. Спортоор дамжуулж эрүүл чийрэг биетэй Зөв Монгол хүнийг бэлдэх зорилготой. Энэ барилгын шаваа 6-р сарын 11-нд тавьж, одоо суурийн ажил дуусаад байна. Ирэх намар барилгаа ашиглалтад оруулах аж.
Discussion about this post