Японы нэрт загвар зохион бүтээгч Кэнзо Такада агсны Парис хот дахь байрыг нь чимж байсан хувийн цуглуулгын 400 орчим урлагийн бүтээл, эд хогшил тэргүүтэй бусад эд зүйлийг үнэ хаялцуулан дуудлага худалдаагаар заржээ. Тэдгээрээс Хятадын Хан гүрний үед хамаарах, 2000 орчим жилийн настай модон морь 32 мянган евро хүрчээ. Мөн Америкийн гэрэл зурагчин Уильям Эгглстоны бүтээл 36 мянган евро хүрсэн нь хамгийн өндөр үнэд хүрсэн байна.
“Kenzo” брэндийг үүсгэн байгуулсан К.Такада өнгөрсөн оны 10 дугаар сард коронавирусний халдвар авсныхаа дараа 81 насандаа Парист таалал төгссөн юм.
Нэрт загвар зохион бүтээгчийн эд хогшлыг зарахаар Парисын “Artcurial” дуудлага худалдааны төвд хандсан. Тэр дуудлага худалдаа долоон цаг гаруй үргэлжилжээ. Тэр худалдааны үеэр түүний Японы уламжлалт хувцсаа өмссөн хөрөг зураг нь мөн 24 мянга орчим еврогоор худалдаалагджээ.
К.Такадагийн амьдралынхаа сүүлийн он жилүүдийг өнгөрүүлсэн гэрт байсан эд хогшил дунд зочны өрөөндөө зүүж байсан том хэмжээтэй чийдэнгийн бүрхүүл, буйдангаас гадна өөрийн гараар хийсэн бүтээлүүд нь ч мөн багтан зарагдсан байна.
Discussion about this post