Дуурийн театрыг МУГЖ дуучин Эрдэнэбат хэдэн жил удирдаад, дараа нь Сэргэлэн хатагтайд халаагаа өгч ХБК-ийн захирлаар очсон. Америкт урлагийн менежер чиглэлээр сургууль төгссөн Сэргэлэн дарга УДБЭТ-ын хамт олныг нэг чигийг барьж, эхийг нь эцээж, тугалыг нь тураахгүй удирдаж чадаагүй, дуучдаа ойлгодоггүй, хэдэн балетчиддаа илүү ханддаг байсан гэж шүүмжлэгддэг. Сэргэлэн хатагтай ажлаа авсны дараахан дуучин МУГЖ Далантай ажлаа хаяж, бараг л халагдаж гарсан. Дуурийн театрын залуухан Онегиныг хүмүүс эргээд ажилдаа ороосой гэж их ярьдаг байсан. Чадалтай дуурийн дуучин Далантай нутгийн ах Завханы Батсүхийг дагачихсан сумын жаахан клубыг чанга чадалтай хоолойгоор “хага зүсэж”, хагалчих шахан микрофонгүй нийтийн дуу дуулж явахыг харахад өмнөөс нь харуусмаар байдаг. Сүүлд Баттөр тэргүүтэй дуучид Сэргэлэн даргынхаа эсрэг бослого гаргах шахсан. Дуурь бүжгийн театр хэмээх ариун сүмийн тэргүүн хатагтай, нэг даргын эхнэрийг дагаад гүйгээд байх ч онц биш л юм билээ. Ямартаа ч МАН-ын экс даргын авгайтай үй зайгүй байсан хатагтай Сэргэлэн ардчилсан Засгийн өнгөнд ажлаа өгөөд сураг тасрав. Дуурийн театрыг удирдаж явсан туршлагатай Сэргэлэн хатагтайг хаа явааг сураглаж, дуурийн театрт байнга байх л ёстой хүний нэг гэж үгүйлдэг. WWW.TAIZ.MN
Discussion about this post