УИХ-ын сонгуульд зориулж 1,7 тэрбумаар маск авсан, Ерөнхийлөгчийн сонгуульд яах бол…

COVID-19 цар тахлаас сэргийлэх, тэмцэх, нийгэм, эдийн засагт үзүүлэх сөрөг нөлөөллийг бууруулах зорилгоор зарцуулж буй улсын төсвийн хөрөнгө, гадаадын тусламж, дотоодын хандивын зарцуулалтад “Захиргааны шинэ санаачилга” ТББ-аас мониторинг хийсэн билээ.  

Мониторингийн явцад Онцгой байдлын ерөнхий газрын веб сайт дахь мэдээллийг эх сурвалж болгон, өнгөрсөн долдугаар сарын 23-нд гаргасан тайланг нь ашигласан аж. Тайланд гурван хандивын талаар мэдээлжээ. Үүнд,

1. 3 тэрбум төгрөг – 323 ААН, 241 иргэнээс мөнгөн хэлбэрээр
2. 2 тэрбум төгрөг – 70 ААН, 2 иргэн материаллаг байдлаар
3. 800 толгой хонь өгсөн хандив тус тус багтсан байна.

Эдгээр хөрөнгө мөнгийг хэрхэн зарцуулсан талаар судлахад амны хаалт авахад их мөнгө зарцуулсан нь ажиглагджээ.

Тухайлбал, нийт 1.8 тэрбум төгрөгөөр амны хаалт авснаас 2020 оны зургаадугаар сарын 15-нд 1.7 тэрбум төгрөгөөр нь амны хаалт авсан байна. Шалтгааныг ОБЕГ-ын Улсын нөөц, хүмүүнлэгийн тусламжийн газрын ахлах мэргэжилтэн, хошууч М. Хаш-Эрдэнээс тодруулахад “Эдгээр амны хаалтыг УИХ-ын сонгуульд хэрэглэх гэж хөрөнгө зарцуулсан” гэх тайлбар өгсөн гэж “Захиргааны шинэ санаачилга” ТББ-ын гүйцэтгэх захирал С.Цэрэнпүрэв хэлэв. Мөн

Мөн “Хэний тушаалаар энэ их маскийг авсан шийдвэрийг шилэн дансны хүрээнд тавиагүй байсан. Мөн хандиваар ирсэн 800 толгой хониноос

• Долдугаар сарын 23-нд 200 толгой хонийг дахин сургалт, сэргээн сургалтын төвд олгосон. Олгосон шалтгааныг асуухад гадаадаас ирсэн хүмүүсийг хамгаалж буй хүмүүсийн хүнсэнд хэрэглэсэн гэлээ.
• Наймдугаар сарын 14-нд гаргасан тайлан дээр нь 300 толгой хонийг зарж, ОБЕГ-ын дансанд төвлөрүүлсэн гэж тайлагнасан байсан. Гэтэл энэ мөнгө нь ОБЕГ-ын дансанд өнөөдрийг хүртэл ороогүй байх жишээтэй” гэж хэлсэн юм.

Ийнхүү хийгдсэн судалгаанаас дүгнэхэд нэг тэрбум гаруй төгрөгөөр амны хаалт авахаар бусад нь яаж заоцуулж байгаа бол.

Төсвийн мөнгөөр тоглодог нь Сүхбаатарын талбайн урдах усан оргилуурыг 3 тэрбумаар барьсан. Төсвийг нийслэлээс гаргасан. Нийслэлийн төсөв 203 тэрбумын алдагдалтай гарсан. Улсын төсвөөс алдагдлыг нөхнө. Улсын төсөв 2 их наядын алдагдалтай гарах нь ч аргагүй. Манайд санхүүгийн үрлэгэн байдал, төсвийн мөнгө уйлдаггүй гэж дарга нарын хийсэн “цавчаа”, хэт өндөр үнэтэй худалдан авалт төсвийг “сорж” байна.