ХУД гэмт хэргээс урьдчилан сэргийлэх талаар сайн нөлөөлж ажилладаг

УЛС ТӨРИЙН ХИЛС ХЭРЭГТ ХЭЛМЭГДЭГСДИЙН ДУРСГАЛЫГ ХҮНДЭТГЭЛЭЭ/2026.09.10/

Монгол Улсын Их Хурлын 1996 оны 33 дугаар тогтоолоор жил бүрийн есдүгээр сарын 10-ны өдрийг “Хэлмэгдэгсдийн дурсгалын өдөр” болгон орон даяар хүндэтгэл үзүүлэхээр шийдвэрлэсэн билээ.

Өнөөдөр Хан-Уул дүүргийн иргэдийн Төлөөлөгчдийн Хурлын дарга бөгөөд дүүргийн Цагаатгах ажлыг удирдан зохион байгуулах салбар комиссын дарга Ч.Бат-Оргил, дүүргийн иргэдийн Төлөөлөгчдийн Хурлын төлөөлөгч нарын хамт тус дүүрэгт оршин суудаг хэлмэгдэгчдийн ар гэр, ач зээ, төрөл төрөгсдийг хүлээн авч, хүндэтгэл үзүүллээ.

“ЗАМ ТЭЭВРИЙН ОСОЛ ГЭМТЛЭЭС УРЬДЧИЛАН СЭРГИЙЛЬЕ” СУРГАЛТ ЭХЭЛЛЭЭ /2026.09.15/

Хан-Уул дүүргийн ИТХ-ын Гэмт хэргээс урьдчилан сэргийлэх ажлыг зохицуулах салбар зөвлөлөөс гэмт хэрэг, зөрчлөөс урьдчилан сэргийлэх “Дуугарах цаг” аяны хүрээнд “Зам тээврийн ослоос урьдчилан сэргийлье” сургалтыг зохион байгуулж байна.

Сургалтад Ерөнхий боловсролын сургуулийн нийгмийн ажилтан, сургуулийн өмнөх боловсролын байгууллагын 60 гаруй арга зүйч хамрагдаж, замын хөдөлгөөний дүрэм болон зам тээврийн осол гэмтлээс бага насны хүүхдийг хэрхэн урьдчилан сэргийлэх тухай хууль, эрх зүйн мэдлэгээ нэмсэн юм. Сургалт үе шаттайгаар үргэлжилнэ.

ХАМТАРСАН БАГИЙН ГИШҮҮДИЙГ ЧАДАВХЖУУЛАХ СУРГАЛТ ҮРГЭЛЖИЛЖ БАЙНА

/2026.09.16/ Хан-Уул дүүргийн ИТХ-ын Гэмт хэргээс урьдчилан сэргийлэх ажлыг зохицуулах салбар зөвлөлөөс “Хүүхдийг Ивээх Сан” олон улсын байгууллагатай хамтран гэмт хэрэг, зөрчлөөс урьдчилан сэргийлэх чиглэлээр чиг үүргийн байгууллагын албан хаагчдын ур чадварыг дээшлүүлэх зорилоор дүүргийн 1-25 хороодын хамтарсан багийн гишүүдэд “Кейс менежментийн үйлчилгээ үзүүлэх” цогц сургалтыг үе шаттай зохион байгуулж байна.

Тус сургалтад Хан-Уул дүүргийн алсын бүсийн найман хорооны хамтарсан багийн 50 гаруй гишүүн хамрагдаж, хүүхэд хамгааллын алхмууд, хүүхэдтэй ярилцлага хийх болон кейс менежментийн нийтлэг арга зүй зэрэг сэдвээр мэдээлэл, арга зүйн зөвлөгөө өгч, оролцогчид практик туршлагаа хуваалцан санал солилцлоо.

ХУД-ийн Гэмт хэргээс урьдчилан сэргийлэх ажлыг зохицуулах салбар зөвлөл

БИ БИЕ ХҮН” СУРГАЛТЫГ ЗОХИОН БАЙГУУЛЛАА

/2026.09.17/ Хан-Уул дүүргийн иргэдийн Төлөөлөгчдийн Хурлын Ажлын албанаас төрийн бус байгууллагатай хамтран Хан-Уул дүүргийн 12,13,14 дүгээр хорооны Ерөнхий боловсролын 10, 26, 59, 156 дугаар сургуулийн сурагчдад чиглэсэн “Би бие хүн” сургалтыг зохион байгууллаа.

Тус сургалт нь хүүхдийн хүмүүжил төлөвшилд үе тэнгийн хүүхдүүдийн эерэг оролцоог нэмэгдүүлэх, хүүхэд хүүхдийнхээ эсрэг гаргаж буй сөрөг зан үйлийг зогсоох, тэдний бусдыгаа ойлгох чадварыг нэмэгдүүлэх, үе тэнгийн дээрэлхэлтээс урьдчилан сэргийлэх зорилготой юм.

ХАМТАРСАН БАГИЙН ГИШҮҮДЭД ЧАДАВХЖУУЛАХ СУРГАЛТ ОРЛОО

/2026.09.21/ Хан-Уул дүүргийн ИТХ-ын Гэмт хэргээс урьдчилан сэргийлэх ажлыг зохицуулах салбар зөвлөлөөс Хүүхдийг Ивээх Сан олон улсын байгууллагатай хамтран гэмт хэрэг, зөрчлөөс урьдчилан сэргийлэх чиглэлээр чиг үүргийн байгууллагын албан хаагчдын ур чадварыг дээшлүүлэх зорилгоор дүүргийн 1-25 хороодын хамтарсан багийн гишүүдэд “Кейс менежментийн үйлчилгээ үзүүлэх” цогц сургалтыг үе шаттай зохион байгуулж байна.

Тус сургалтад Яармаг бүсийн долоон хорооны хамтарсан багийн 40 гаруй гишүүн хамрагдаж, хүүхэд хамгааллын алхмууд, хүүхэдтэй ярилцлага хийх болон кейс менежментийн нийтлэг арга зүй зэрэг сэдвээр мэдээлэл, арга зүйн зөвлөгөө өгч, оролцогчид практик туршлагаа хуваалцан санал солилцлоо.